Вооружена групација поврзани со терористичката мрежа Ал Каеда, го окупираа градот Зинџибар во јужниот дел на Јемен, според агенцијата Франс прес повикувајќи се претставник на локалните власти.

Вооружена групација поврзани со терористичката мрежа Ал Каеда, го окупираа градот Зинџибар во јужниот дел на Јемен, според агенцијата Франс прес повикувајќи се претставник на локалните власти. Како што пренесува агенцијата, во петокот навечер околу 200 вооружени лица влегле во Зинџибар – административен центар на провинцијата Абијан и ги нападнале владините трупи. Според локални жители, меѓу милитантите и армијата почна жестока битка, а напаѓачите притоа ослободиле десетици затвореници од централниот затвор во градот. Анти-владините демонстрации со кои се бара оставка на претседателот Али Абдула Салех, кој е на власт повеќе од 30 години, почнаа во Јемен од почетокот на февруари. Припадниците на владините специјални единици употребија оружје за да ги растераат антивладините демонстранти. Според западните медиуми во текот на немири во земјата загинале повеќе од 140 луѓе.Во понеделникот, Советот за соработка на арапските држави од Персискиот залив, го објави повлекувањето на својата иницијатива за мирно решавање на кризата во Јемен поради неуспехот на шефот на државата да потпише договор со кој се обезбедува мирен трансфер на власта од претседателот во рок од еден месец во замена за гаранции дека нема да биде гонет.Јеменскиот претседател на крајот од април одби да го потпише мировниот план со опозицијата, откако претходно ја поддржа иницијативата за внатрејеменски договор на GCC за помирување.Истовремено владејачката партија во Јемен, „Генералниот народен конгрес“ го одобри планот предложен од страна на GCC, кој предвидува оставка на претседателот Салех за 30 дена по формирањето влада на национално единство. По назначувањето на владата, претседателот треба да ја предаде власта на заменик-претседателот а опозицијата да престане со демонстрациите. Според иницијативата на  GCC, Салех, исто така,треба да добие имунитет од судско гонење.Противниците од Салех бараа негово непосредно заминување од функцијата, иако неговиот мандат истекува на крајот од 2013 г. Претседателот Салех на 18-ти март објави воведување полициски час во земјата за период од 30 дена. Таа одлуката беше одобрена од страна на јеменскиот парламент. Објавувањето на вонредната состојба следеше еден ден откако западните медиуми објавија дека јеменските безбедносни сили стрелале врз анти-владините демонстранти во главниот град Сана при што убија 40 лица, а околу 300 беа ранети. Јеменскиот претседател изрази жалење за загинувањето на цивилите, но ја негираше вината на припадниците на безбедносните структури на земјата.Протестите инспирирани од востанијата во Тунис и во Египет го доведоа до раб на пропаст 32-годишното владеење на актуелниот претседател Али Абдула Салех. Но, Салех во почетокот повика на прекин на насилствата, затоа што немал никаква намера да си поднесе оставка.Салех стана претседател на Северен Јемен во 1978 г. а по повторното обединување на Северен и Јужен Јемен во 1990 г., застана на чело на новоформираната унитарна Република Јемен./крај/афп/рн/сн