Свет
Авганистан: Бројката на загинати цивили од нападот на НАТО се искачи на 16

Бројката на загинати цивили во воздушните напади на НАТО во провинцијата Хелманд се искачи на најмалку 16, а уште шестмина се ранети, соопштија локалните власти
Бројката на загинати цивили во воздушните напади на НАТО во провинцијата Хелманд се искачи на најмалку 16, а уште шестмина се ранети, соопштија локалните власти„Сега е јасно дека во нападот, изведен со „Хелфајр“ ракети врз цивилни куќи, се убиени седум момчиња, пет девојчиња, четири жени и уште двајца возрасни цивили. На местото на нападот нема ниту трага од талибанските борци, ниту мртви, ниту живи“, вели еден вработен во канцеларијата на гувернерот на покраината, кој побара да остане анонимен. Инцидентот се случил вчера, кога конвој на НАТО паднал во заседа на талибаните. Силите на НАТО кој започнале битка со милитантите, повикале воздушна поддршка, а воздушниот напад речиси целосно го уништил селото каде што војниците биле фатени во заседа.Засега е се уште тешко да се каже точната бројка на загинати, бидејќи авганистанските служби за безбедност се уште ги пребаруваат разурнатите куќи. Најверојатно точната бројка ќе биде соопштена утре. Нападите на талибаните значително се интензивираа по смртта на лидерот на ал Каеда, Осама бин Ладен и по објавувањето на „пролетната офанзива“ од страна на талибаните. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Наришкин: Западните земји се обидуваат да предизвикаат распад на Заедницата на независните држави

Западните земји се обидуваат да предизвикаат распад на Заедницата на независните држави (ЗНД), изјави шефот на руската Служба за надворешно разузнавање (СВР), Сергеј Наришкин.
ЗНД моментно вклучува девет земји членки: Ерменија, Азербејџан, Белорусија, Казахстан, Киргистан, Русија, Таџикистан, Молдавија и Узбекистан. Украина и Туркменистан имаат статус на учесници во организацијата. Основана во 1991 година по распадот на Советскиот Сојуз, организацијата има цел да промовира соработка по економски, политички и безбедносни прашања меѓу своите членови.
Зборувајќи пред новинарите за време на состанокот на лидерите за безбедност и разузнавање во Самарканд, Узбекистан, во петокот, Наришкин рече дека европските сили активно работат на спречување на растот на организацијата.
„Во Европа дејствува глобална воена партија, која се обидува да спречи воспоставување траен и праведен мир на континентот, со еднаква и неделива безбедност за сите – како што инсистира Русија“, рече тој.
Според шефот на СВР, Русија ги забележала обидите на одредени западни земји „да предизвикаат распад“ на ЗНД.
„Во овој контекст, западните политичари имаат цел да го спречат развојот на Заедницата на независните држави, како независен и самоодржлив центар на моќ“, додаде тој.
Наришкин вели дека западните разузнавачки агенции користат широк спектар на алатки за економска агресија во голем обем, вклучувајќи кампањи за дезинформации и деструктивна употреба на кибер-просторот.
Александар Бортников, шеф на руската Федерална служба за безбедност (ФСБ), во четвртокот изјави дека земјите од НАТО стојат зад појавата на таканаречените руски беспилотни летала во европскиот воздушен простор. Тој рече дека провокациите се случуваат заедно со реториката за источна закана и напорите за изградба на европска коалиција за испраќање војници во Украина.
Фото: принтскрин
Свет
Дмитриев: Да изградиме тунел „Путин – Трамп“, што ќе ги поврзе Русија и САД под морето

Русија и Соединетите Американски Држави треба да изградат железнички тунел „Путин – Трамп“ под Беринговото Море, што би ги поврзал двете земји, би почнал заедничко истражување на природните ресурси и би симболизирал единство, рече советникот на Путин.
Предлогот на Кирил Дмитриев, инвестициски советник на Путин и раководител на државниот фонд РДИФ, се однесува на проект за изградба на железница од 112 километри вредна осум милијарди долари, што би ја финансирале Москва и меѓународните партнери.
Дмитриев ја презентира идејата во четвртокот во телефонскиот разговор меѓу Путин и американскиот претседател Доналд Трамп за време на кој тие се согласија да се сретнат во Будимпешта.
Долгата историја на идејата за поврзување континенти
„Врската помеѓу САД и Русија под Беринговото Море е одраз на долгогодишна визија, од железницата Сибир – Алјаска од 1904 година до рускиот план од 2007 година. РДИФ ги анализира постојните проекти, вклучувајќи ја и железницата САД – Канада – Русија – Кина, и ќе го поддржи оној што е изводлив“, напиша Дмитриев на X.
Беринговата Теснина, кој е широка 82 километри на најтесната точка, го одделува рускиот регион Чукотка од Алјаска. Идејата за поврзување на двете територии е стара 150 години, но никогаш не е реализирана.
Дмитриев посочи дека тунелот може да го изгради градежната компанија The Boring Company во сопственост на Илон Маск. Ниту Маск ниту Трамп досега не го коментираа предлогот.
Дмитриев потсети дека за време на Студената војна се појавила слична идеја – мостот на мирот „Кенеди – Хрушчов“ – и објави нацрти на проектот од тоа време, како и графички приказ на можната рута на тунелот „Чукотка – Алјаска“, пишуваат медиумите.
Фото: принтскрин
Свет
Путин го предупреди Трамп: Ракетите „томахавк“ сериозно ќе ги нарушат односите меѓу Москва и Вашингтон

Рускиот претседател Владимир Путин, за време на телефонскиот разговор синоќа, го предупреди американскиот претседател Доналд Трамп да не ѝ испорачува крстосувачки ракети „томахавк“ на Украина.
Разговорот, кој траеше околу два часа, се чини дека го омекна сè поостриот став на Трамп кон рускиот лидер. Во последните недели Трамп сè повеќе отворено разговараше за можноста за испраќање ракети со долг дострел во Киев.
Кремљ соопшти дека Путин го предупредил Трамп дека испораката на „Томахавк“ – еден од најважните системи за оружје што го бара украинскиот претседател Володимир Зеленски – сериозно ќе ги наруши односите меѓу Москва и Вашингтон.
„Владимир Путин го повтори својот став дека ‘томахавк’ нема да ја променат ситуацијата на бојното поле, но ќе предизвикаат значителна штета на односите меѓу нашите земји, а со тоа и на перспективите за мирно решение“, рече советникот на Путин за надворешна политика, Јуриј Ушаков, според „Киев индипендент“.
Трамп сè уште не изгледа подготвен да донесе одлука за испраќање ракети во Украина.
„Ни требаат ‘томахавки’ за Соединетите Американски Држави. Имаме многу од нив, но ни требаат и тие. Мислам, не можеме да ја исцрпиме сопствената земја“, им рече тој на новинарите во Овалната соба.
„Не знам што би можеле да направиме во врска со тоа“, додаде американскиот претседател.
Фото: ЕПА