Најмалку 13 загинале, а ранети се повеќе од 220 млади Арапи во судирите со израелските војници на Голанската висорамнина, јави државната-сириска телевизија

Претходно беше објавено за шест загинати и стотина ранети. Судирите се случија напладне кога една мала група млади Палестинци и Сиријци се пробија во областа на сириското село Аин ал-Тина на Голан, минувајќи ја линијата што ги разделува сириската територија и територијата којашто е под  контрола на израелската војска. Израелските војници отвориле оган со боева муниција. Според прес-службата на израелската армија, војниците  отвориле предупредувачки оган во областа на населбата Маждал-Шамс за да го спречи обидот толпата да се пробие преку израелско-сириската граница. Петти јуни е годишнината од почетокот на арапско-израелската војна од 1967 година, кога е окупирана сириската Голанска висорамнина. Сопственоста на територијата и враќањето на коешто инсистира Дамаск  и натаму останува главна тема на конфликтот меѓу Сирија и Израел.Минатата седмица неколку арапски младински организации ги повикаа палестинските бегалци кои живеат во Сирија и Либан, да земат учество во неделата на масовниот „марш на враќањето во окупираната татковина“ на границата со Израел.Сепак, во пресрет на маршот беше објавена одлуката за одложување на оваа акција од причини, како што е наведено во соопштението  на Народниот фронт за ослободување на Палестина – „коишто се посилни од нас“. Оваа одлука се објаснува со „ситуацијата на теренот и националните интереси на сите страни“.

И покрај тоа, утрово неколку автобуси со палестински и сириски момчиња се обидоа да дојдат до Голанската висорамнина, но беа запрени од страната на Сирија. Сепак, една мала група млади луѓе успеале да дојдат до линијата што разделува. На протестите им се приклучија жителите на сириското село Маждал Шамс, кое се наоѓа спроти селото Аин ал-Тина. Израелските војници стрелале во нив со огнено оружје, а употребиле и солзавец.Во пресрет на одржувањето на закажаната манифестација, израелската армија го зголеми нивото на борбената готовност спроведувајќи дополнителни мерки за зајакнување на безбедноста на Голан. Истовремено, Израел предупреди дека жестоко ќе одговори на каков и да е обид да се пробие границата. На 63-та годишнина од Никб’та (национална катастрофа) на 15 мај, група палестински бегалци пробија од страна на Сирија и Либан на територијата контролирана од Израел. И тогаш израелската армија употреби оружје против демонстрантите а според арапските извори, најмалку 13 луѓе тогаш беа убиени а околу 400 беа ранети. Со Никб’та, Палестинците го одбележуваат својот национален егзодус на околу 760 илјади луѓе во 1948 г. Обединетите нации проценуваат дека бројот прогонети и нивните потомци сега изнесува 4,8 милиони Палестинци. Со Резолуцијата 194 на Обединетите нации се наложува на сите изгонети коишто тоа ќе го сакаат да им се овозможи брзо враќање на нивните огништа./крај/аа/сн