„Големото собрание“ на сите племенски водачи и претставниците на цивилното општество во Либија кој кон крајот на седмицава требаше да се одржи во Рим, е одложено на неодредено време соопшти денеска италијанското министерство за надворешни работи.

„Големото собрание“ на сите племенски водачи и претставниците на цивилното општество во Либија кој кон крајот на седмицава требаше да се одржи во Рим, е одложено на неодредено време соопшти денеска италијанското министерство за надворешни работи. „Ние разговараме токму за датумите. Тоа, во секој случај, нема да се случи оваа седмица“, изјави портпаролот на италијанското министерство за надворешни работи за АФП.На собирот којшто го организираат противниците на полковникот Моамер ел-Гадафи, требаше да биде застапено „либиското општество во целина“.Шефот на италијанската дипломатија Франко Фратини минатата седмица најави дека собирот треба да се одржи во четврток. „Меѓу 200 и 300 луѓе ќе учествуваат на овој состанок и навистина ќе ја претставуваат цела Либија“, рече тогаш Фратини:Италија поранешна колонијална сила и потоа близок сојузник на Либија, има важна улога во операциите на НАТО во оваа земја, имајќи предвид дека ги отстапи своите воздухопловни бази за воздухопловите на меѓународната коалиција и ги стави на располагање на Алијансата своите ескадрили ловци и повеќе воени бродови./крај/афп/хи/сн