Свет
Експертите за падот на рускиот авион ја обвинуваат посадата

Експертите по авио сообраќај сметаат дека најверојатно посадата е виновна за падот на рускиот авион „Тупољев 134“ на северозападот на Русија. Од 52 патници и членови на екипажот , во Карелија, кај Петрозаводск, загинаа 44 лица, а осум се наоѓаат во критична состојба.
Експертите по авио сообраќај сметаат дека најверојатно посадата е виновна за падот на рускиот авион „Тупољев 134“ на северозападот на Русија. Од 52 патници и членови на екипажот , во Карелија, кај Петрозаводск, загинаа 44 лица, а осум се наоѓаат во критична состојба. Официјален преставник на Росавијација соопшти дека несреќата се случила откако авионот „од нејасни причини го сменил курсот и започнал со предвремено слетување“.„Авионот од неразјаснети причини свртел странично од пистата неколку стотици метри и започнал со предвремено слетување, поради што налетал на дрвја и удрил во електричните линии“, изјави тој. Првиот потпретседател на владата, Сергеј Иванов изјави „дека грешката на пилотите во лошите временски услови е очигледна“. Тој напомна дека пилотот до последен момент визуелно ја барал пистата која не бил во можност да ја види. Контролорот на аеродромот во Петрозаводск, Сергеј Шматко на новинарите им изјави дека посадата решила да слета без оглед на густата магла и лошата видливост.„Капетанот на посадата Фјодоров одговори дека визуелно ќе го приземји авионот“, изјавил Шматко, која ги отфрли претпоставките дека причина за падот може да биде исклучувањето на светлата на пистата, бидејќи светлата биле исклучени откако се случила несреќата. Истражните органи кои работат на утврдување на причините за несреќата соопштија дека се најдени двете црни кутии и дека ќе бидат дешифрирани од меѓународна авио комисија. крај/б/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украина: Подготвени сме денеска да потпишеме клучен договор со Америка

Украина е подготвена да потпише договор за минералите со САД и тоа би можело да го направи подоцна денеска, изјави извор од украинската влада за Ројтерс.
„Мислам дека договорот би можел да биде потпишан можеби доцна навечер“, рече изворот.
Украинските власти се надеваат дека потпишувањето на договорот што го промовираше американскиот претседател Доналд Трамп ќе помогне да се зајакне американската поддршка за Киев во војната предизвикана од руската инвазија пред повеќе од три години.
Првиот вицепремиер на Украина Јулија Свириденко патува во САД за да го потпише договорот, додаде извор од украинската влада.
Двете страни потпишаа меморандум на 18 април како прв чекор кон постигнување договор за експлоатација на минералните суровини во Украина. Во меморандумот велат дека имаат намера до 26 април да ги завршат преговорите и што поскоро да го потпишат договорот.
Два дена подоцна, украинскиот премиер Денис Шмихал изјави дека Киев и Вашингтон се договориле претходната американска помош за Украина да не биде вклучена во договорот за минерали. За време на патувањето во САД минатата недела, Шмихал се состана со американскиот секретар за финансии Скот Бесент и рече дека има добар напредок во врска со договорот.
Шмихал, исто така, рече дека Киев јасно ги дефинирал своите граници во договорот, имајќи ги предвид обврските на Украина во Европа и украинските закони.
Регион
Третата најголема партија во Бугарија потпиша соработка со партијата на Путин

Националистичката бугарска партија „Преродба“ потпиша договор за соработка со владејачката партија на Руската Федерација „Единствена Русија“. Ова се случи и покрај фактот што Русија официјално ја прогласи Бугарија за непријателска држава по почетокот на сеопфатната инвазија на Украина, дознава „Еурактив“, а пренесува УНН.
„Договорот предвидува размена на искуства, идеи и политичка пракса меѓу двете партии и претставува важен позитивен чекор кон обновување на целосните бугарско-руски односи“, наведуваат од партијата „Преродба“.
Договорот го потпишаа заменик-претседателот Цончо Ганев, кој е и потпретседател на Народното собрание и Владимир Јакушев – заменик претседател на Горниот дом на Државната дума на Руската Федерација.
Како што пишува УНН, „Преродба“ нема ништо против тоа што Русија ја прогласи Бугарија за непријателска држава по почетокот на војната во Украина и продолжува да ги одржува односите со владејачката партија.
Според достапните информации, „Преродба“ е третата по големина партија во бугарскиот парламент: по изборите во октомври 2024 година има 33 мандати од вкупно 240. Партијата отворено се противи на членството на Бугарија во ЕУ и НАТО, се залага за неутралност во војната на Русија против Украина и шири проруски наративи на социјалните мрежи.
Претходно таа неуспешно се обиде да организира референдум за забрана на воведувањето на еврото.
Исто така, оваа партија влезе во бугарскиот парламент благодарение на нејзиниот цврст став против вакцините и карантинот за време на пандемијата на Ковид.
Свет
Најмалку тројца мртви во Шпанија поради невидениот прекин на струја

Најмалку три лица загинаа во Шпанија во инцидент поврзан со невиден прекин на струја што ја парализираше земјата во понеделникот, потврди Цивилната гарда за Би-Би-Си.
Според шпанските медиуми, станува збор за членови на семејство од северозападната општина Табоаделе. Полицијата истражува дали труењето со јаглерод моноксид од неисправен генератор на струја имало улога во нивната смрт, но Цивилната гарда не може да открие други детали.
Властите се уште се обидуваат да утврдат што го предизвикало затемнувањето што во понеделникот предизвика хаос низ Шпанија и Португалија. Според информациите на мадридскиот дневен весник Ел Паис, тројцата починати од Табоадела се брачна двојка и нивниот возрасен син. Нивните тела ги пронашла негувателката вчера наутро, пишува Ел Паис.
Други смртни случаи се под истрага, вклучително и онаа на жена во Мадрид која загина во пожар за кој постои сомневање дека е предизвикан од свеќа користена за време на прекинот на струја, објавија локалните медиуми. Жена на возраст од околу педесет години е пронајдена мртва во понеделникот вечерта, откако избувнал пожар во зграда во областа Карабанчел во градот.
Тринаесет лица побарале лекарска помош поради вдишување чад, а пет од нив завршиле во болница, соопшти градската канцеларија за итни интервенции.
Во меѓувреме, според медиумите, во Валенсија починала жена на возраст од четириесет години, но шпанските медиуми не се согласуваат за причината за нејзината смрт. Локалната полиција соопшти дека жената, која имала проблеми со белите дробови, починала откако нејзиниот вентилатор престанал да работи за време на прекинот на електричната енергија, според извештаите на медиумите.
Сепак, Ел Паис пренесува изјави од регионалната здравствена служба во која се наведува дека жената имала повеќе здравствени проблеми и починала од природна смрт. Затемнувањето предизвика огромни прекини низ Шпанија и Португалија, а делови од Франција исто така беа делумно погодени.
Во Шпанија и Португалија, семафорите престанаа да работат, метро-системите запреа, а продавниците не можеа да примат картички, што предизвика долги редици на неколкуте банкомати кои сè уште работеа. На почетокот паднаа и мобилните мрежи, па на многумина им беше тешко да добијат информации.