Обвинителот побара, покарај санкцијата, да се изврши заплена на имотната корист што ја остварил “Блиф”, но и 35 отсто од двете згради на “Водњанска”, а на Ламбе Арнаудов и Мирољуб Пандиловски да им се забрани за вршење дејност, односно користење и управување со државен имот

Завршни зборови на судењето на ексдиректорот на ЕСМ, Ламбе Арнаудов

Обвинителот побара, покарај санкцијата, да се изврши заплена на имотната корист што ја остварил “Блиф”, но и 35 отсто од двете згради на “Водњанска”, а на Ламбе Арнаудов и Мирољуб Пандиловски да им се забрани за вршење дејност, односно користење и управување со државен имот; Зградата на ЕСМ

ЉУБИША СТАНКОВИЌ

Продолжението на судскиот процес што се води против поранешниот генерален директор на “Електростопанство на Македонијааи, Ламбе Арнаудов, неговиот помошник за правни прашања, Мирољуб Пандиловски, и сопственикот на фирмата “Блиффи, Владо Серафимов, сите обвинети за злоупотреба на службена должност и овластување, почна со барање на адвокатот Нуман Лимани, во негово и во име на сите други бранители, да се преотвори претресот. Неговото барање се однесуваше на сведочењето на економскиот експерт Димитар Порчул и висината на префрлените средства од сметката на ЕСМ на сметката на “Блиффи. По ова и адвокатот Антонио Апостолски презентираше купишта материјални докази, меѓу кои и писмо испратено од ЕСМ до фирмата “Блиффи со кое ги известуваат дека им должат повеќе од 27 милиони денари.

Јавниот обвинител се спротистави на предлозите, а за писмото-меморандум рече дека е погрешно толкувано. Судскиот совет ги прифати доказите, но го отфрли барањето за преотворање на претресот. Обвинетиот Владо Серафимов приложи уште докази, меѓу кои и договорите со лицата кои биле ангажирани за извршување на конкретни работи. Вчера се приговори и на вештачењата, а беа побарани и конкретни сведоци. На ова повторно реагираше застапникот на обвинението, кој рече дека постапката е доведена во фаза на завршни зборови и оти сега се бара враќање назад. За заменик-обвинителот сссо што не било изведено како доказ бранителите можат да го направат во своите завршни зборови. И на ова следуваше реакција на одбраната, но судот реши да ги прифати само приговорите на вештачењата, по што се пристапи кон давање завршни зборови.

Во својот завршен збор заменик-обвинителот рече дека ќе побара примена на одредбите од стариот Кривичен законик, бидејќи тие се поблаги за обвинетите, а изврши и прецизирање на обвинителниот акт. Обвинителот изјави дека †Електростопанство на Македонијааинајпрвин раскинало еден договор што претходно го склучило со Државниот завод за геодетски работи поради тоа што не биле испочитувани законските одредби од Законот за јавни набавки, а потоа на идентичен начин склучило нов со фирмата “Блиффи која, пак, само неколку дена порано била трговско друштво и не била квалификувана да извршува работи за кои се однесувал договорот. Тој, исто така, рече дека со договорот не биле прецизирани рокови за завршување на работите, а дека помошникот на директорот од Секторот за развој и инвестиции бил на мислење дека “Блиффи не ќе може да одговори на задачата. Обвинителот рече дека не само што не биле извршени мерења, туку дека на дел од документацијата што била земена токму од ЕСМ била извршена дигитализација, но дека елаборатите и компакт-дисковите се неупотребливи за користење. Но, и покрај сссо “Блиффи, фиктивно, му фактурирала на ЕСМ, а тие вршеле исплата. Застапникот се осврна и на зградите број 15 и 35 на улицата “Водњанскааи и на возилата набавени за потребите на “Блиффи, но и на купените персонални компјутери. Од судот беше побарано, освен санкцијата, да се изврши заплена на имотната корист што ја остварил “Блиффи, како и 35 отсто од двете згради на “Водњанскааи, а заплена да биде извршена и во фирмите кои соработувале со фирмата на Владо Серафимов. За Ламбе Арнаудов и Мирољуб Пандиловски, заменик-обвинителот побара да им се изрече мерка забрана за вршење дејност, односно користење и управување со државен имот.

Со завршните зборови на застапникот на обвинението се согласи и претставникот на ЕСМ, кој рече дека се приклучува на кривичниот прогон и бара отштета од 60.509.575 денари.

За бранителот на Арнаудов, адвокатот Никола Поленак, целата работа претставувала постеуфорија, која била поддржана од медиумите. Политиката и јавноста од Арнаудов направиле државен непријател број 1 и човек кој ја украл државата. За Поленак целата постапка била нечесна од самиот почеток, односно од денот кога неговиот штитеник бил повикан на информативен разговор во полициската станица “Карпошши, а малку потоа бил и притворен. Тој рече дека немало умисла и поттикнување, бидејќи Арнаудов и Серафимов се запознале дури откако се нашле во Истражниот затвор. За Поленак овој процес треба да ги издржи сите притисоци: од црните листи до политичкиот и јавниот притисок што се врши.

Адвокатот Јово Вангеловски повторено се наврати на комисијата која го раскинала договорот со “Блиффи, а со која раководела Елена Грашевска и која јавниот обвинител не сакал да ја распраша во својство на сведок. Вангеловски смета дека мотивите ќе треба наскоро да се почувствуваат. Судењето ќе продолжи утре со завршните зборови на другите петмина бранители.