Свет
Сириската војска отвори оган во пограничните села со Турција

Единиците на армијата на Сирија кои се обидуваат да ги задушат анти-владините демонстрации отвориле оган врз цивили во североисточниот дел на земјата при што биле убиени седум луѓе, јави во средата AFP повикувајќи се на челникот на сирискиот центар за заштита на човековите права Рами Абдел Рахман.
Единиците на армијата на Сирија кои се обидуваат да ги задушат анти-владините демонстрации отвориле оган врз цивили во североисточниот дел на земјата при што биле убиени седум луѓе, јави во средата AFP повикувајќи се на челникот на сирискиот центар за заштита на човековите права Рами Абдел Рахман.Квечерината во средата беше објавено дека во селото Ал-Рами во провинцијата Идлиб којашто граничи со Турција навлегле десетици тенкови и оклопни возила на армијата на Сирија. Подоцна сириските војници ја презедоа контролата и врз неколку населби во близината. „Тие (жителите) загинаа од огнот што го отворија војниците во селата Ал-Рами и Маар-Аијан. Луѓето масовно бегаат од селата, плашејќи се од апсења“, изјави за AFP сирискиот активист за човекови права Рами Абдел Рахман. Од средината на март Сирија е зафатена од немирите кои почнаа во градот Дера’а на границата со Јордан, а потоа се проширија на други делови од земјата. Во текот на изминатите два ипол месеца во судирите со безбедносните сили беа убиени, според сириски активисти за човекови права, околу 1.300 луѓе. Од друга страна, според официјалните власти во Сирија, безредијата се предизвикани од акциите на „вооружените терористички елементи“ кои сириската власт ги обвинува за насилството во земјата, при што се наведува дека биле убиени повеќе од 340 припадници на војската и полицијата.Русија и Кина, кои го имаат правото на вето во Советот за безбедност на Обединетите нации, се спротиставуваат на усвојувањето резолуција за Сирија слична на онаа за Либија, која ќе обезбеди можност за надворешнa инволвираност во внатрешните работи на Сирија. Велика Британија, Франција, Германија и Португалија на 8-ми јуни пред Советот за безбедност поднесоа нова нацрт-резолуција за Сирија./крја/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Голем прекин на струја на Бали

Островот Бали во Индонезија, популарна туристичка дестинација, е погоден од голем прекин на електричната енергија што доведе до застој на островот, само неколку дена по масовното затемнување што ги погоди Шпанија и Португалија, објавија светските медиуми.
Островот денеска околу 16 часот остана без струја. по локално време, а причината, според државната енергетска компанија Perusahaan Listrik Negara (PLN), е дефект на подморските кабли кои го поврзуваат Бали со островот Јава. PLN во соопштението наведе дека проблемите со подморските кабли предизвикале прекини во работата на локалните електрани.
Current situation in Bali:
Complete power outage across the island due to a major electricity issue.
Stay calm and safe everyone updates as soon as we hear more.
Island life isn’t always sunshine, but we’re in this together!
#blackoutbali pic.twitter.com/7Hs7wpHIsW— Biba Belhadj (@SabrinaBelhadj4) May 2, 2025
„Во моментов се соочуваме со прекин на електричната енергија и искрено се извинуваме за непријатностите што ги предизвика“, се вели во соопштението.
„Дел од просторот веќе доби струја, додека во други реставрацијата се уште е во тек“.
Компанијата им се заблагодари на граѓаните за трпението и додаде: „ЗЛН моментално работи на отстранување на прекинот. Првичните индикации укажуваат на дефект во термоелектраната Селукан Баванг, единица број 2, што предизвика прекин на електричната енергија во делови на Бали“.
Според последните информации, снабдувањето со електрична енергија е вратено на околу 43 отсто од островот, а од компанијата велат дека редовно ќе ја информираат јавноста за напредокот. „Ви благодариме за поддршката и молитвите“, рече ПЛН.
Свет
Силен земјотрес во Аргентина, издадено предупредување за цунами

Земјотрес со јачина од 7,4 степени според Рихтеровата скала погоди област на околу 200 километри од Ушуаја, најјужниот град во Аргентина, објави Американскиот геолошки институт (USGS).
Епицентарот на земјотресот бил на 219 километри од брегот во преминот Дрејк на длабочина од десет километри.
Преминот Дрејк е морски пат помеѓу најјужната точка на Јужна Америка и Антарктикот.
Националната метеоролошка служба на САД издаде предупредување за цунами.
Агенцијата за управување со катастрофи во земјата издаде предупредување за дел од оддалечениот регион Магаланес, на јужниот дел на Чиле.
Предупредување за опасни бранови има и во пораката на американскиот Систем за предупредување од цунами и е на сила за крајбрежната област на 300 километри од епицентарот на земјотресот – вклучувајќи ги јужните делови на Аргентина и Чиле.
Свет
Черевко: Луѓето во Газа меѓусебно се убиваат, немаат вода

Борбите избувнуваат во Газа бидејќи резервите храна речиси се потрошени, изјави денес официјален претставник на Обединетите нации, а целосната блокада на резервите на Газа од страна на Израел трае веќе 60 дена. Од 2 март Израел целосно ги прекина снабдувањата за 2,3 милиона жители на Појасот Газа, а резервите храна складирани за време на прекинот на огнот на почетокот на годината речиси исчезнаа.
Тоа е најдолгата блокада со која се соочил Појасот Газа досега. Палестинските жители и претставниците на хуманитарните организации изјавија дека завчера во енклавата се случиле најмалку пет грабежи. Олга Черевко, хуманитарен работник во хуманитарната канцеларија на ОН (OCHA) во Газа, изјави дека насилството во заедницата во врска со снабдувањето се интензивирало.
Таа им изјави на новинарите дека денес била сведок на една таква борба. „Резервите се намалуваат додека беснее војната, резервите храна сега во голема мера се исчезнати“, изјави таа на прес-конференција во Женева преку видеоврска. „Пристапот до вода стана невозможен. Всушност, додека ви зборувам, токму овде долу, пред оваа зграда, луѓето се борат за вода. Камион за вода штотуку пристигна и луѓето се убиваат меѓусебно за вода“, рече таа.
Некои хуманитарни групи велат дека веќе им снемало резерви храна во изминатата недела и дека народните кујни се во опасност од затворање. Црвениот крст соопшти дека хуманитарниот одговор во Газа е на работ на целосен колапс.
Израел претходно негира дека Газа се соочува со криза со глад и тврдеше дека сè уште има доволно помош за да го издржи населението. Черевко рече дека гладните луѓе пребаруваат во купиштата ѓубре барајќи нешто што би им помогнало да преживеат. „Гледам деца и гледам постари луѓе како пребаруваат во овие купишта ѓубре не само барајќи нешто за горење туку и нешто за јадење секој ден“, рече таа.