Исламистичката органзиација Хамас којашто го контролира појасот Газа во саботата ги осуди грчките власти поради оневозможувањето бродовите од „Флотила на слободата 2“ да се упатат кон брегот на Газа и да се обидат да ја минат израелската блокада на палестинската енклава.

Исламистичката органзиација Хамас којашто го контролира појасот Газа во саботата ги осуди грчките власти поради оневозможувањето бродовите од „Флотила на слободата 2“ да се упатат кон брегот на Газа и да се обидат да ја минат израелската блокада на палестинската енклава.Во петокот навечер грчката крајбрежна стража ја презеде контролата на канадскиот брод „Тахрир“ кој е во составот на „Флотила на слободата-2“, пред да исплови од едно грчко пристаниште за да се придружи на другите бродови кои пловат кон Газа со хуманитарна помош и кои ќе се обидат да ја минат петгодишната поморска блокада на појасот Газа.Претходно во петокот, грчките власти дозволија испловување од пристаништето во Пиреја близу Атина, на американскиот брод „Дрскост на надежта“, со повеќе од 40 активисти кој се упати кон брегот на појасот Газа. „Спречување на испораката на помош за појасот Газа како резултат на притисокот од страна на ционистите, е брутален акт кој е во спротивност со меѓународните норми и закони, што го докажува учеството во блокадата на палестинскиот народ“, се вели во соопштението на Хамас што го цитира АФП.Хамас го повика Европарламентот и сите хуманитарни организации да извршат притисок врз грчката влада да им дозволи на бродовите слободно да запловат кон брегот на блокираната палестинска енклава да ја скршат израелската блокада, чие продолжување  е „срам за целото човештво“.Како што пишуваат во саботата светските агенции, организаторите на оваа хуманитарна акција не ја изгубиле надежта и вербата дека на крајот успешно ќе ја завршат својата мисија. „Ние сакаме на 5-ти јули да ги собереме сите бродови, така што најдоцна би пристигнале на 6-ти или 7-и јули…., ќе се движиме со тоа што го имаме“, изјави за агенцијата еден од учесниците во акцијата.Првично беше планирано на 30-ти јуни да се соберат повеќе од 400 активисти од 40 земји кои ќе учествуваат во операцијата „Флотила на слободата -2“. Израелските власти соопштија дека на сите начини ќе ги спречат активистите за заштита на човековите права во нивниот обид да допловат до брегот на појасот Газа, и ги повика нивната хуманитарна помош да ја довезат во пристаништето Ашдод или во египетскиот град Ел-Ариш, а потоа според вообиачениот начин тие по копнен пат ќе ја достават во појасот Газа. Првата „Флотила на слободата“ којашто се состоеше од шест бродови, беше пресретната од израелските командоси во мај 2010 година. За време на операцијата при давање жесток отпор загинаа девет членови на конвојот (осум турски државјани и еден државјанин на САД со турско потекло) од турскиот брод „Мави Мармара“ на кој имаше и тројца македонски државјани. По инцидентот што предизвика жестока меѓународна критика, Израел го либерализираше режимот за доставување хуманитарна помош преку копнените гранични премини кон палестинската енклава, но на сила остана целосната поморска блокада на појасот Газа./крај/афп/мф/сн