Свет
НАТО очекува следната година договор со Русија за антиракетниот штит

НАТО очекува следната година да се договори со Русија по прашањето на Европскиот ракетен одбранбен систем (EUROPRO), изјави во понеделникот генералниот секретар на НАТО, Андерс Фог Расмусен на состанокот на Советот НАТО-Русија на ниво на постојаните претставници
„Се надевам дека сите се стремиме кон тоа на самитот на НАТО во Чикаго, што ќе се одржи за помалку од година, дека ќе бидеме во можност да се договориме за решението за ракетната одбрана, која ќе ја осигура безбедноста на териториите на земјите членки на НАТО и на Руската Федерација. И ќе го направиме тој систем поефикасен“, изјави генералнито секретар на Алијансата, Андерс Фог Расмунсен.Соработката на европскиот ракетен одбранбен систем меѓу НАТО и Русија беше договорен на самитот во Лисабон во ноември 2010 година. Русија смета дека развојот на концептот и самата архитектура на ракетниот штит EUROPRO треба да биде на рамноправна основа и да обезбеди соодветни мерки за градење доверба и транспарентност во областа на ракетната одбрана. За руската страна, во принцип, важно е да се гарантира дека системот не е насочен против Русија што ќе биде ставено на хартија – во правно обврзувачка форма, а не тоа да биде само декларативно. НАТО, од своја страна, бара од Русија да има поголема доверба дека ракетниот одбранбен систем нема да се користи против рускиот нуклеарен потенцијал.Расмусен, исто така, на прес-конференцијата одржана во рускиот туристички центар Сочи, изјави дека Русија и НАТО ја потврдиле нивната подготвеност да соработуваат на проектот EUROPRO. „Денеска уште еднаш ги потврдивме нашите заложби за соработка во доменот на ракетната одбрана. Го слушнавме мислењето на руската страна и погледите на НАТО, кои разјаснија некои од важните аспекти на развојот на нашите сили и средства“, изјави Расмунсен.Според првиот човек на НАТО, за еден ден, па дури и за неколку месеци, не може да се создаде системот за ракетна одбрана.„Ние ќе продолжиме да работиме заедно, и ќе го интензивираме дијалогот“, вели Расмунсен. Советот НАТО-Русија е формиран на самитот меѓу Русија и земјте членки на НАТО одржан во Рим во 2002 година, како механизам за консултации, постигнување на согласност за заеднички пристап, соработка, носење заеднички одлуки и дејства на Русија и земјите членки на НАТО за прашањата од сферата на безбедноста во регионот во евро-атланскиот регион. Работата на Советот во рамките на националните капацитети, разгледување на прашањата без претходна внатреблоковска согласност, а одлуките се донесуваат со консензус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Турчин во Косово избодел до смрт една од своите ќерки, а другата тешко ја повредил

Маж утрово во Призрен, Косово, избодел до смрт една од своите ќерки и тешко ранил друга. Неговата сопруга исто така беше повредена. Осомничениот е уапсен, објавува порталот КоССев.
Во полициското соопштение се вели дека службите за итни случаи не биле во можност да им пружат помош на девојките на местото на настанот бидејќи осомничениот бил таму со нож во рака. Потоа беа испратени четири полициски патроли.
„На местото на настанот беше утврдено дека осомничениот, М.Г., роден 1981 година, маж, ги избодел своите две ќерки со нож. 15-годишната девојка починала на самото место, додека другата е тешко повредена и моментално се наоѓа во КБЦ во Приштина. Таа е во тешка состојба“, се вели во соопштението.
„Осомничениот, исто така, се повредил и е во Регионалната болница во Призрен. Неговата 35-годишна сопруга, исто така, се здобила со повреди“, се додава во соопштението. Станува збор за турски државјани кои имаат одобрена дозвола за привремен престој во Призрен.
Основното обвинителство во Призрен го окарактеризира овој случај како тешко убиство.
Свет
(Фото) Трамп ја „обвинува“ Меланија за новиот скандал: „Јас не го направив тоа, таа сакаше“

Американскиот претседател, Доналд Трамп, коментираше за фотографијата што беше објавена на социјалните мрежи, вклучително и на официјалниот профил на Белата куќа, на која тој е прикажан како нов папа.
И покрај фактот што фотографијата беше објавена и на неговите приватни профили и на профилот на Белата куќа, Доналд Трамп вели дека нема никаква врска со објавената содржина.
„Јас немав никаква врска со тоа. Некој направил фотографија од мене облечен како папа и ја објави на интернет. Јас не го направив тоа, немам поим од каде дојде. Можеби е вештачка интелигенција, но навистина не знам од каде дојде“, рече Трамп.
Тој тврди дека на католиците им се допаднала шегата.
„Тие не можат да ја поднесат шегата. Не мислам на католиците, туку на медиумите што шират лажни вести. На католиците им се допадна“, рече тој.
Трамп, исто така, рече дека Меланија му рекла дека фотографијата е одлична.
„Всушност, на жена ми ѝ се чинеше слатко. Рече: „Нели е ова прекрасно?““, објасни Трамп.
Католичките лидери во Соединетите Американски Држави реагираа луто на објавата на Трамп, особено нагласувајќи дека може да се протолкува како исмејување на верата.
„Никогаш не е соодветно да се исмејуваат другите и да се исмејува папата“, рече Денис Пост, извршен директор на Католичката конференција на државата Њујорк.
Европа
АфД: Мерц ја плати цената за монструозната изборна измама

Крајнодесничарската партија Алтернатива за Германија (АфД) го поздрави неуспехот на конзервативниот лидер Фридрих Мерц да биде избран за канцелар во првиот круг од гласањето во парламентот.
Шефицата на АфД, Алис Вајдел, изјави дека резултатот, според кој Мерц доби шест гласа помалку од потребното апсолутно мнозинство, ги покажува „слабите темели“ врз кои е изградена коалицијата на конзервативниот лидер со социјалдемократите.
Мерц беше оштетен од самиот почеток, рече првиот секретар на пратеничката група на АфД, Бернд Бауман, во видео објавено на Икс.
„Тој ја плати цената за сите свои предизборни интриги, за монструозни изборни измами какви што никогаш порано не биле видени.“