Свет
Фатах и Хамас ги продолжуваат разговорите за формирање палестинска влада
Неодамна помирените палестински движења Фатах и Хамас ги продолжуваат разговорите на највисоко ниво за единствена автономна влада на национално единство, изјави во четвртокот за радиото „Гласот на Палестина“, Азрам ал- -Ахмад, водачот на делегацијата на Фатах во преговорите со Хамас.
Неодамна помирените палестински движења Фатах и Хамас ги продолжуваат разговорите на највисоко ниво за единствена автономна влада на национално единство, изјави во четвртокот за радиото „Гласот на Палестина“, Азрам ал- -Ахмад, водачот на делегацијата на Фатах во преговорите со Хамас. Претходно израелските медиуми објавија информации дека разговорите за владата на национално единство меѓу двете фракции се замрзнати. „Постојат речиси секојдневни контакти меѓу нас и нашите браќа во Хамас, околу договарањето за формирање влада“, рече Азрам ал-Ахмад. Во Каиро на 4-ти мај беше потпишан договор за палестинско помирување меѓу Фатах, предводен од лидерот на Палестинската национална администрација (ПНА) Махмуд Абас, и претставници на исламистичкото движење Хамас, кое го контролира појасот Газа. Во документот се вели дека е донесена одлуката за спроведување избори и формирање преодна влада на национално единство. Се претпоставува дека во таквата влада ќе влезат независни кандидати. Владата ќе ги подготви општите претседателски и парламентарни избори во рок од една година под покровителство на Обединетите нации, Арапската лига и други меѓународни и невладини организации. Ал-Ахмад вели дека двете страни немаат друга опција освен да се договорат за влада, којашто ќе придонесе за исполнување на договореното за целосното помирување. Тој, исто така, негираше дека формирањето на владиниот кабинет може да биде оставено за подоцна, додека бидат исполнети другите точки од договорот.„Формирањето влада значи прекинување на поделбата … Ние сакаме да се постигне нормална атмосфера за надминување на разликите“, вели ал-Ахмад. Околу критиката од лидерите на Хамас на адреса на владејачкото на Западниот брег движење Фатах, дека спротивно од постигнатото помирување сé уште се апсат исламистички активисти, ал-Ахмад вели дека постои договор по прашањето за затворениците, но сé уште се чека реализација на договорот во целина. Лидерот на Фатах додаде дека продолжувањето на несогласувањата одат во полза Израел, „кој сака да ја задржи својот окупација на палестинските територии и исклучување на каква и да е можност за постигнување мир во регионот.“/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.