Воениот командант на либиските бунтовници , генералот Абдел Фатаг Јунес, поранешен припадник на режимот на полковникот Моамер ел-Гадафи кој им се приклучи на востаниците е убиен потврди во четвртокот лидерот на бунтовничкото движење Мустафа Абдел Џалил.

Воениот командант на либиските бунтовници , генералот Абдел Фатаг Јунес, поранешен припадник на режимот на полковникот Моамер ел-Гадафи кој им се приклучи на востаниците е убиен потврди во четвртокот лидерот на бунтовничкото движење Мустафа Абдел Џалил.Генералот Абдел Фатах Јунес е убиен од група вооружени напаѓачи откако бил повикан на испитување во Бенгази, вториот по големина град во Либија, на исток од земјата кој е седиштето на Преодниот национален совет (TNC), главното политичко тело на востаничките сили. Покрај него, убиени се и двајцата негови телохранители.„Деенска ј апримивме веста дека генералот Јунес и двајцата негови телохранители се убиени откако тој е повикан да се појави пред истражната воена комисија“, изјави првиот политички претставник на бунтовниците Мустафа Абдел Џалил за новинарите во Бангази. Генералот Јунес бил повикан во Бенгази пред истражната воена комисија да одговори на некои прашања од воен карактер, а е убиен пред да дојде на испрашувањето. Според некои непотврдени информации, Јунес наводно требало да се појави пред комисијата поради сомневањата дека неговото семејство и натаму одржува тесни врски со режимот  на либискиот водач полковникот Моамер ел-Гадафи. Како што забележува Reuters, дел од бунтовниците не биле најблагопријатно расположени кон Јунес, поради тоа што тој до неодамна беше близок со Гадафи.Засега не е познато точно каде генералот Јуенс е убиени, кои се мотивите за тоа, ниту како Џалил дознал за неговата смрт и убиството на неговите телохранители. Сепак Џалил изјави дека се вложуваат напори да се пронајдат нивните тела. Како што пренесува BBC, станува збор всушност за двајцата помошници на генералот Јунес, полковниците Мухамед Камис и Насир ал-Мадхкур, а Џалил за репортерот на британскиот радиодифузер додал дека во нивна чест ќе се прогласи тридневна жалост.Генералот Јунес беше поранешен либискиот министер за внатрешни работи кој премина на страната на страна на бунтовниците во февруари. Тој исто така беше дел од главната групација којашто го поддржи полковникот Гадафи да дојде на власт во 1969 година.Во некои непотврдени извештаи се наведува дека генералот Јунес и неговите двајца помошници биле уапсени во четвртокот во близина на источниот фронт на Либија.Набрзо по објавувањето на смртта на генералот Јунес, вооружени лица влегле во хотелот Бенгази каде Џалил ја одржал средбата со новинарите, и отвориле оган во воздух по што морал да го напушти хотелот./крај/афп/ро/ббц/сн