Свет
ОН: Нигерија ќе ја чисти нафтената дамка во следните 30 години

Програмата на Обединетите нации за животна средина (УНЕП) смета дека на Нигерија ќе и’ бидат потребни неколку децении за да се опорави од големото нафтено загадувањето во регионот Огони во делтата на реката Нигер.
Програмата на Обединетите нации за животна средина (УНЕП) смета дека на Нигерија ќе и’ бидат потребни неколку децении за да се опорави од големото нафтено загадувањето во регионот Огони во делтата на реката Нигер.УНЕП, која изврши оценување на животната средина во регионот, соопшти во петокот дека педесет години откако проработи нафтената индустрија во Нигерија, измерени се значителни загадувања на воздухот, водата, почвата и вегетацијата во Огони.Во извештајот на УНЕП се додава дека целосната еколошка обнова на регионот ќе потрае речиси 30 години и ќе чини според првичните процени милијарда евра за првите пет години од почнувањето на најголемата операција на чистење од загадувањето со нафта во светски рамки.Спроведеното истражување и студијата се направени по барање на нигериската влада а спонзорирани од „Shell Petroleum Development Company“, подружница на компанијата „Royal Dutch Shell“. Целата студија чинела околу десет милиони долари.„Royal Dutch Shell“ којашто заедно со Нигериската државна нафтена компанија, е сопственик на поголемиот дел од нафтената инфраструктура во регионот Огони престана да работи во регионот во 1993 година, кога тамошните локални заедници започнаа со кампањата и борбата против компанијата поради загадувањето на нивната животна средина и риболовот како главна стопанска гранка и заработувачка за населението. Лидерот на кампањата, Кен Саро-Вива, подоцна беше обесен од нигериските власти.Ледум Мити, лидер на Движењето за опстанокот на народот на Огони (MOSOP), го доведе во прашање кредибилитетот на извештајот, и инсистира на тоа дека таа има цел да создаде добра слика за „Shell Petroleum Development Company (SPDC)“. SPDC ја прифати одговорноста за две масивни дамки од нафта, предизвикани од неисправната опрема коишто ја уништија животната средина на 69 илјади луѓе во областа Бодо во Огони, и сега се соочува со отштети во висина од неколку стотици милиони долари.Во петокот SPDC го поздрави извештајот на ОН а според портпаролката на компанијата, таа ќе даде официјални коментари по деталното проучување на студијата.Амнести интернешенел исто така се огласи по извештајот на ОН, велејќи дека работата на SPDC имала катастрофален ефект врз човековите права и животот на луѓето во Огони.„Овој извештај покажува дека SPDC има страшно влијание во Нигерија, што беше негирано со децении, лажно тврдејќи дека работат според меѓународните стандарди“, рече директорот за глобални прашања на Амнести интернешенел, Одри Гофран./крај/птв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин