Претседателот на Сомалија, Шариф Шеик Ахмед изјави во саботата дека владините сили ги поразија бунтовници од движењето Ал Шабаб, принудувајќи ги да започнат со повлекување од главниот град Могадишу, јавува Reuters.

Претседателот на Сомалија, Шариф Шеик Ахмед изјави во саботата дека владините сили ги поразија бунтовници од движењето Ал Шабаб, принудувајќи ги да започнат со повлекување од главниот град Могадишу, јавува Reuters.„Владата на Сомалија го поздравува успехот на владините трупи, со поддршка на мировните сили на  Африканската унија (AMISOM), кои го поразија непријателот – Ал-Шабаб“, изјави денеска на прес-конференција сомалискиот претседател Шариф Шеик Ахмед.Вооружените судири започнаа во сомалискиот главен град Могадишу кон крајот на јуни, еден ден откако во градот преку воздушниот мост беше донесена првата хуманитарна помош на Светската програма за храна при Обединетите нации (WFP), во акцијата за помагање и спасување на населението на кое му се закануваше глад.Храната е донесена во Могадишу со авион, бидејќи во моментов поморските патишта не се безбедни.Последните борби започнаа во раните утрински часови, кога владините трупи и мировниците од Африканската унија почнаа систематски напад врз главното упориште на Ал-Шабаб, кое се наоѓа седум километри северно од меѓународниот аеродром во Могадишу.Претходно, ОН издаде соопштение со кое ја предупреди светската заедница за хуманитарната катастрофа и заканата од глад за повеќе од седум милиони Сомалијци во јужниот дел на земјата, доколку тие итно не добијат помош во храна.Исламистичкото движење Ал Шабаб, го смета соопштението на ОН и предупредувањето за смрт од глад којашто им се заканува на милиони Сомалијци за политички ангажирано и дека не одговара на вистинската ситуација.Сомалија престана да постои како унитарна држава во 1991 година со падот на диктаторскиот режим на Сиад Баре. Како единствен легитимен орган во земјата меѓународната заедница ја признава федералната влада, која го контролира Могадишу и неколку околни области. Останатите делови на Сомалија се под контрола на непризнаени самопрогласени територии. Делови од јужна и северно-источна Сомалија се управувани  од страна на локалните кланови и радикални исламски движења, вклучувајќи ги и оние поврзани со Ал Каеда. Територија на север и северо-западниот од Сомалија е под контрола на непризнаената Република Сомалија.Официјалните сомалиски власти немаат контрола врз ситуацијата во земјата. Пет илјади припадници на мировните сили Африканската унија, исто така, не можат да ја земат контролата врз безбедносната ситуација и под контрола имаа само неколку клучни стратешки локации во Могадишу.Во јуни во Могадишу беше убиен министерот за внатрешни работи на Сомалија. Одговорноста за атентатот ја презема радикалната исламистичка група Ал-Шабаб, која често презема големи напади против владините сили.Во насилството во Сомалија од 2007 година, според статистиката на Обединетите нации, загинале повеќе од 20 илјади луѓе, а околу 1,5 милион се бегалци./крај/ро/мф/сн