Свет
Кинезите ги повлекуваат небезбедните брзи возови
Вториот по големина кинески произведувач на возови „ЦСР Корп“ соопшти дека од безбедносни причини ќе повлече 54 брзи возови, кои се користени како рекламни на линијата од Пекинг до Шангај и тоа е нов удар врз националниот железнички систем.
Вториот по големина кинески произведувач на возови „ЦСР Корп“ соопшти дека од безбедносни причини ќе повлече 54 брзи возови, кои се користени како рекламни на линијата од Пекинг до Шангај и тоа е нов удар врз националниот железнички систем.
Повлекувањето на возовите на компанијата доаѓа три недели по судирот на брзи возови во кој загинаа 40 лица, што предизвика големи критики од јавноста и замрзнување на новите железнички проекти.
Во соопштението на ЦСР се наведува дека повлекувањето ќе предизвика уште неутврдени трошоци, но дека нема да влијае на моменталните договори за продажба.
Кинеското производство на брзи возови, владата до скоро го истакнуваше како „пример за технолошки напредок на земјата“, но сега е синоним за промашување.
Кинескиот државен совет соопшти дека ќе биде извршена ревизија на новите проекти пред да биде издадено било какво одобрение. Изведени се безбедносни проверки и на постоечките железнички линии, а најавено е и воведување на ограничувањето на брзината. /крај/вол/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.