Во Ирак и Авганистан, за време на последната деценија, американската влада потрошила речиси 60 милијарди долари, пред се поради слабата контрола на компаниите со кои има договори, лошото планирање и поткуп на тамошните господари на војната, е проценка во извештајот на Комисијата за воени договори.

Во Ирак и Авганистан, за време на последната деценија, американската влада потрошила речиси 60 милијарди долари, пред се поради слабата контрола на компаниите со кои има договори, лошото планирање и поткуп на тамошните господари на војната, е проценка во извештајот на Комисијата за воени договори. Во конечниот извештај за Конгресот, во кој агенцијата Асошијетед прес имал увид, комисијата оценила дека со подобро планирање и контрола би можела да се избегне трошење на голем дел од тие пари. За да се избегнат грешките од Ирак и Авганистан, владините агенции би требало да го реорганизираат начинот на плаќање и да ги реализираат договорите во воените зони, се препорачува во извештајот кој е напишан на 240 страници. Комисијата од осум членови е основана во 2008 година, по урнекот на Трумановата комисија, која ги контролирала договорите од Втората светска војна. Нејзиниот извештај преставува најкомплетно истражување на американската зависност од договорите со приватните компании, како и владините способности да справи со тоа во воените зони. Комисијата ги проверувала договорите за армијата, за обнова и изградба, како и за работите во делот на обезбедувањето. Вкупниот износ не може со точност да се процени, бидејќи нема општо прифатлива методологија, но во извештајот се заклучува, врз основ на информациите собрани во последните три години, дека таа сума изнесува најмалку 31 милијарда долари, а дека вкупниот износ би можел да изнесува и 60 милијарди долари, но од Комисијата не ја исклучуваат можноста сумата да биде и поголема. Како што се наведува во извештајот, средствата кои се изгубени од лошото работење претставуваат 10 до 20 проценти од таа сума, а во измами исчезнале помеѓу пет и девет отсто. Комисијата очекува дека вкупниот износ на договорите со приватните компании, како дел од поддршката на американските операции во Ирак и Авганистан, до крајот на оваа буџетска година ќе мине 206 милијарди долари. Законот со кој е формирана Комисијата предвидува таа својата работа да ја заврши до крајот на септември, без оглед на тоа што операциите во Ирак и Авганистан ќе продолжат и понатаму. крај/ap/нц