Разговорите кои се водеа меѓу претставниците на вооружените сили на Преодниот националниот совет (ПНС) и силите на соборениот режим на либиската Џамахирија, полковникот Моамер ел-Гадафи, се прекинати, јавува денеска телевизискиот канал Sky News.

Разговорите кои се водеа меѓу претставниците на  вооружените сили на Преодниот националниот совет (ПНС) и силите на соборениот режим на либиската Џамахирија, полковникот Моамер ел-Гадафи, се прекинати, јавува денеска телевизискиот канал Sky News.Разговорите се водеа во рамките на најавениот ултиматум даден од страна на силите на либиската опозиција, според кој утврдените сили на соборениот Гадафи во неколку градови, требаше да го положат оружјето. Преодниот национален совет го пролонгираше рокот на ултиматумот за една седмица, за да се избегнат натамошните крвопролевања и разорувања на земјата, и ги почна преговорите со претставниците на силите лојални на Гадафи. По објавувањето на неуспехот на преговорите, командантите на одделни единици на вооружените сили на опозицијата најавија дека ќе почнат со напади врз позициите на силите на поранешниот диктатор пред истекот на ултиматумот. „Нашите формации се на 40-ина километри од градот Бани-Валид, и за неколку часа ние ќе влеземе во градот. Нашето трпени заврши. Ние и онака веќе им дадовме доволно време“, рече Махмуд Абдул Азиз, претставник на востаничките единици кои сакаат да ги нападнат силите на Гадафи.Според непотврдени информации, полковникот Гадафи и неговите приврзаници нашле засолниште во градот Бани-Валид, а не во Сирт, неговиот роден град. Според британскиот телевизиски канал, „трпението исто така е при крај“ и меѓу членовите на Преодниот национален совет коишто очекуваат да истече рокот за ултиматумот за напад на градот Сирт. Од Советот изјавија дека ултиматумот ќе важи до 10 септември, по што револуционерните сили ќе преземат офанзива. До истекот на овој рок, градот во кој се стационирани сили на Гадафи, ќе остане опколен. Во средината на февруари годинава во Либија почнаа масовни демонстрации со кои се бараше повлекување од власта којашто Моамер ел-Гадафи ја имаше во свои раце повеќе од 40 години. Подоцна протестите прераснаа во вооружен судир меѓу владините сили и единиците на опозицијата. Во текот на речиси шестмесечните борби, противниците  на режимот на Гадафи успеаја да воспостават контрола врз целата територија на Либија. Пресвртниот момент во борбата против Гадафи се случи во третата седмица на август, кога бунтовничките сили со поддршка од воздух на НАТО, го презедоа либискиот главен град Триполи. Судбината на Моамер ел-Гадафи сé уште не е позната. Дел од неговото семејство пребега во Алжир. Во февруари, во источниот град Бенгази, втор по големина град во Либија, беше формиран преодниот Национален совет, кој се прогласи за единствен легитимен орган во земјата. Советот досега го признаа околу 60 земји во светот/крај/сн/сн