Свет
Американец погубен без докажана вина
И покрај бројните притисоци смртната казна повторно да се одложи, во затворот во Џексон во сојузната држава Џорџија синоќа со смртоносна инјекција беше погубен четириесет и двегодишниот Трој Дејвис, кој станал симбол на борбата против смртната казна.
И покрај бројните притисоци смртната казна повторно да се одложи, во затворот во Џексон во сојузната држава Џорџија синоќа со смртоносна инјекција беше погубен четириесет и двегодишниот Трој Дејвис, кој станал симбол на борбата против смртната казна.
Дејвис е осуден на смрт поради убиството на полицаецот Марк Мекфеил во 1989 година. Меѓутоа, оружје и физички докази против Дејвис никогаш не беа пронајдени.
Жалбата на неговите адвокати не беше прифатена и покрај тоа што седум од девет сведоци кои Дејвис го товареа за убиството повлекоа дел или цело сведочење.
Не помогнаа ниту исказите на сведоците кои тврдеа дека друго лице го признало убиството. Дејвис ја чекаше смртната казна 20 години, а погубувањето со смртоносна инјекција веќе беше закажано три пати во текот на 2007 и 2008 година, но сите три пати беше одложено.
Неговото барање за помилување го поддржа поранешниот американски претседател на САД, Џими Картер, папата Бенедикт XVI, Советот на Европа, Амнести Интернешнл, а со петиција беа собрани повеќе од 650.000 потписи со цел да се укине смртната казна.
Адвокатот на Дејвис во последен момент се обиде да добие одложување пред Врховниот суд, но највисокиот суд во САД одби да го запре извршувањето на казна.
„Смртната казна не смее да се изврши кога не е потполно сигурно дека обвинетиот е крив. Одборот за помилување овој пат тоа правило не го почитуваше“ изјави адвокатот на Дејвис, Брајан Камер.
Смртната казна постои во 37 од 50 американски сојузни држави и најчесто се изрекува за убиства, киднапирања и слични тешки казнени дела кои резултирале со смрт на една или повеќе лица. До сега во САД смртната казна е извршена на над 800 осуденици, а во Тексас се извршени скоро 300 погубувања. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.