Свет
Во земјотресот на Хималаите – 110 загинати
Воените хеликоптери во четвртокот успеаја да допрат до оддалечените села во североисточна Индија, отсечени од остатокот на светот по земјотресот со магнитуда од 6,9 степени по Рихтер кој во неделата го погоди овој хималајски регион во четири земји при што загинаа 110 луѓе.
Воените хеликоптери во четвртокот успеаја да допрат до оддалечените села во североисточна Индија, отсечени од остатокот на светот по земјотресот со магнитуда од 6,9 степени по Рихтер кој во неделата го погоди овој хималајски регион во четири земји при што загинаа 110 луѓе.Како што пренесуваат светските агенции, жителите на селата од индиската сојузна држава Сиким на новинарите им раскажале дека одроните од планината ги срамниле нивните куќи со земјата, убивајќи многу нивни соселани. Лизгањето на земјиштето и одроните целосно го блокирале единствениот пар кој води кон северот на државата Сиким, каде беше регистриран епицентарот на земјотресот, оневозможувајќи го доаѓањето на спасувачките екипи и одложувајќи ја евакуацијата на повредените со хеликоптери. Властите од главниот град на оваа држава Гангок, во четвртокот соопштија дека според последните податоци, во целата држава настрадале 78 луѓе. Уште 18 лица загинале во двете соседни индиски држави, шест загинале во Тибет, шест во Непал и уште едно лице го загубило живото во Бутан./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.