Свет
По корупциските афери, Саркози се соочи и со пораз во сенатот
Историската победа на француската левица на изборите за сенатот е сериозно предупредување во пресрет на претседателските избори наредната година и силен удар за претседателот Никола Саркози, кој е веќе ослабен од скандалите за политичкото финансирање.
Историската победа на француската левица на изборите за сенатот е сериозно предупредување во пресрет на претседателските избори наредната година и силен удар за претседателот Никола Саркози, кој е веќе ослабен од скандалите за политичкото финансирање.
Левичарската опозиција на вчерашните парцијални избори за половина од местата во сенатот освои апсолутно мнозинство. Француската десница непрекинато доминираше со ова тело уште од 1958 година.
Партијата на социјалистите (ПС) оваа победа ја смета за вовед во победата на претседателските избори пролетта наредната година. Но, претседателството на владеачката партија УМП не им посветува толкаво внимание на резултатите од вчерашните избори и е убедено во реизборот на претседателот Саркози.
Единствено министерот Бруно Ле Мер денеска призна дека изборите за сенатот се „сериозно предупредување“ за мнозинството. Опозицијата сега во Горниот дом држи 177 од 348-те места, две повеќе отколку што е потребно за апсолутното мнозинство.
Сенатот ја контролира работата на администрацијата, заедно со Народното собрание, ги разгледува и гласа по законите, договорите и меѓународните конвенции. Според уставот, улогата на Народното собрание е поважна, но левицата сега може да го одолговлекува носењето на законите во парламентот.
Ова е уште еден удар за Саркози, по минатата недела која беше одбележана од аферата „Карачи“, во која неколку членови на владата беа обвинети за корупција при продажбата на подморници на Пакистан. Обвиненијата беа подигнати против две лица кои се многу блиски со Саркози и обвинителството сега ги истражува торбите со пари кои циркулирале помеѓу Франција и Пакистан. Со тие пари наводно била финансирана кампањата на поранешниот премиер Едуард Баладур за претседателските избори во 1995 година.
Покрај аферата „Карачи“, се истражуваат и некои незаконски постапки на поранешниот министер за внатрешни работи Брис Хортефес.
Социјалистите, кои наскоро треба да го изберат својот кандидат за претседателските избори, се надеваат дека победата во сенатот ќе води кон победа на претседателските избори. Од заминувањето на претседателот Франсоа Митеран (1981 – 1995 година), социјалистите немале свој претседател на државата.
Резултатите од изборите за претседател на сенатот, закажани за 1-ви октомври, уште појасно ќе го покажат расположението на гласачите. Според протоколот, функцијата на претседател на сенатот е втора по значење во државата, бидејќи тој го заменува претседателот во случај на болест или смрт. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стинг и „Колдплеј“ бараат ослободување на иранскиот рапер осуден на смрт
Активистите за човекови права, заедно со 100 музичари, вклучувајќи ги Стинг и „Колдплеј“, бараат ослободување на иранскиот рапер Тумај Салехи, осуден на смрт поради поддршка на масовните протести во Иран есента 2022 година. „Смртната пресуда на Салехи е кулминација на три години судско вознемирување вклучувајќи апсење, затворање и тортура“, се вели во петицијата на лондонската организација Index on Censorship.
Во многу од неговите песни пејачот го привлече вниманието на состојбата со човековите права во Иран. Во октомври 2023 година на Салехи му беше доделена наградата за слобода на изразување од страна на Index on Censorship.
„Мора да се дозволи уметноста да критикува, провоцира, преиспитува и предизвикува авторитет“, велат потписниците.
„Ниту еден уметник не треба да биде подложен на каков било вид судско малтретирање поради остварување на своето право на слобода на изразување, а камоли да биде осуден на смрт“.
Смртната казна за Салехи беше објавена на крајот на април. Оваа вест предизвика незадоволство во Иран и други земји во светот. Властите донесоа одлука во врска со поддршката на Салехи за масовните протести во Иран во есента 2022 година. Во минатото раперот со своите текстови ги критикува социјалните и политичките проблеми во земјата.
Свет
Папата ги повика владите на демографски политики: „Не недостигаат кучињата и мачките, туку децата“
„Владите мора да спроведат сериозни и ефективни политики за благосостојбата на семејствата за да се спротивстават на падот на наталитетот и стареењето на населението“, рече денеска папата Франциско и ги повика младите да имаат верба во иднината.
Говорејќи на конференцијата за сè потешката демографска криза, папата рече дека бројот на првите раѓања е показател за „надежта на луѓето“ и дека Европа се повеќе се претвора во „стар, уморен и резигниран“ континент.
„Потребни се ефективни политики, храбри, конкретни и долгорочни одлуки. Потребна е поголема посветеност на сите влади за помладите генерации да ги остварат своите легитимни соништа“, рече папата.
Стапката на наталитет во Европа минатата деценија падна на 1,5 раѓања по жена. Ова е повисоко од најниските нивоа како оние во Источна Азија, но многу помалку од 2,1 потребни за одржување на населението.
„Постои факт што ми го кажа еден демограф. Моментално, инвестициите со најмногу приходи се оние во фабрики за оружје и контрацепција. Едниот го уништува животот, другиот го спречува. Каква иднина имаме? Тоа е лошо”, вели папата.
Бројот на раѓања во Италија падна на рекордно ниско ниво во 2023 година и се намалува веќе 15-та година по ред.
„Домовите се полни со предмети, но без деца, стануваат многу тажни места. Не недостасуваат мали кучиња, мачки. Нема недостиг од тоа. Има недостиг од деца“, рече папата.
Тој предложи политики кои нема да ги принудуваат мајките да избираат помеѓу кариерата и грижата за децата и кои на младите парови ќе им обезбедат стабилни работни места и можност за купување недвижен имот.
„Знам дека за многумина од вас иднината изгледа неизвесна и дека поради падот на наталитетот, војните, пандемиите и климатските промени, не е лесно да се одржи надежта жива. Но, не се откажувајте, имајте верба “, им рече тој на младите.
Свет
Египет ги повика Хамас и Израел да покажат флексибилност и да постигнат договор за прекин на огнот во Газа што е можно побргу
Египет апелира до Хамас и Израел да покажат флексибилност за што побргу да се постигне прекин на огнот во борбите во Газа, соопшти утрово египетското Министерство за надворешни работи. Египет смета дека преговорите во Каиро не доведоа до прекин на огнот. Тие во моментот се во деликатна фаза, а делегациите на Хамас и Израел го напуштија главниот град на Египет, се наведува во соопштението.
Во телефонски разговор со американскиот државен секретар Ентони Блинкен египетскиот министер за надворешни работи Самех Шукри ја нагласи „важноста да се повикаат страните да покажат флексибилност и да ги направат сите неопходни напори за постигнување договор за прекин на огнот и на тој начин да се стави крај на хуманитарната трагедија во Газа, соопшти Министерството.
Каиро стравува од опасноста израелската операција во Рафа да ги загрози стабилноста и безбедноста на регионот, се додава во соопштението на египетската дипломатија.
Блинкен потврди дека Соединетите Американски Држави се против голема воена операција во Рафа и какво било принудно раселување на Палестинците од Газа, изјави неговиот портпарол, Метју Милер.
Израелската армија во вторникот распореди тенкови во Рафа и ја презеде контролата на граничниот премин со Египет блокирајќи го главниот премин за конвои со хуманитарна помош кон опколената палестинска територија.