Свет
Русија најави дека нема да ја поддржи резолуцијата на ОН за Сирија

Русија нема да ја поддржи резолуцијата којашто евентуално би ја донеле Обединетите нации за Сирија, што ја подготвија повеќе европски земја, изјави во вторникот за агенцијата Интерфакс, претставникот на руското министерство за надворешни работи.
Русија нема да ја поддржи резолуцијата којашто евентуално би ја донеле Обединетите нации за Сирија, што ја подготвија повеќе европски земја, изјави во вторникот за агенцијата Интерфакс, претставникот на руското министерство за надворешни работи.Како што рекол заменикот министер за надворешни работи на Русија, Генадиј Гатилов, Москва одбила да го поддржи текстот на резолуцијата, бидејќи според него, тој отвора можност за воведување санкции против Сирија. „Ние не можеме да поддржиме таков текст. Тој е неприфатлив бидејќи вклучува можност за воведување санкции за Сирија“, изјави Гатилов. Меѓутоа, од руското министерство за надворешни работи не одговорија дали Русија ќе стави вето на резолуцијата. Гатилов, исто така, додаде дека Москва се спротиставува на нацрт резолуцијата, бидејќи не вклучува повик до странските сили да не се вплеткуваат во внатрешните сириски работи и повик на дијалог меѓу претседателот Башар ал-Асад и опозицијата.Од друга страна, турскиот премиер Реџеп Таип Ердоган чијашто земја веќе воведе ембарго за извозот на оружје за соседот Сирија, во вторникот изјави дека следните денови ќе го изложи планот на Анкара за натамошни санкции спрема Дамаск. Сириските власти, пак, во вторникот ја укинаа забраната за увоз, соопшти државната новинска агенција SANA. Владата ана ал-Асад воведе забрана за увоз минатиот месец обидувајќи се да ги сочува резервите од странски валути загрозени со внатрешната политичка нестабилност која ја продлабочува стопанската криза. Европската унија и САД, исто така, претходно воведоа санкции за режимот на претседателот Башар ал-Асад, поради „крвавото справување со демонстрантите и противниците на режимот“. Тие, исто така, вршат притисок во Советот за безбедност да воведе санкции за Сирија, на што се спротиставуваат двете постојани членки на СБ, Русија и Кина.Сириските власти и натаму тврдат дека бунтот од 15-ти март го почнале „вооружени терористички банди кои доаѓаат надвор од земјата“ и дека во судирите со нив досега се убиени 1.500 лица од кои 800 се припадници на сириската полиција и на војската.Опозицијата и организациите за заштита на човековите права во Сирија тврдат дека од почетокот на протестите во Сирија се убиени повеќе од 2.700 луѓе, а повеќе илјади луѓе ја напуштија Сирија, покажуваат податоците на невладините организации.Бунтот во Сирија започна во средината на март, откако во пограничниот град со Јордан, Дера’a беше уапсена група ученици кои испишувале анти-владини слогани по ѕидовите. Жителите на градот масовно излегоа на улиците барајќи ослободување на момчињата. Подоцна протести се одржаа и во неколку други региони на земјата, особено во градовите Латакија, Баниас, Хомс, Хама и во некои предградија од главниот град Дамаск.Асад се обиде да ги смири демонстрантите, укинувајќи ја 50-годишната вонредна состојба, но апсењата без налог продолжија и покрај укинувањето на таквиот закон. Протестите во Сирија продолжуваат и покрај тоа што сириските власти објавија план за реформи, меѓу кои беше и укинувањето на воената состојба од страна на претседателот Башар ел-Асад од кого се бара итна оставка, воведена во 1963 г./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Масовен напад врз Русија: Украинските дронови направија хаос во три региони, има загинати

Најмалку три лица ги загубија животите во серија напади од украински беспилотни летала на територијата на Русија. Инциденти беа регистрирани во Самара, Ростов и Пензенска област, додека руските воздушни одбранбени сили соборија вкупно 112 беспилотни летала. Пожарите и оштетувањата на инфраструктурата дополнително ја влошија ситуацијата.
– Во нападите со беспилотни летала на територијата на Русија, маж загина во Самара кога неговата куќа во Кујбишевската област беше зафатена од пожар откако паднаа остатоци од беспилотното летало – објави гувернерот Вјачеслав Федоришев.
Итните служби работат на терен.
Unidentified drones reportedly attacked Taganrog in southern Russia overnight, with witnesses reporting approximately 10 explosions and air defense activation #Taganrog #DroneAttack #Breaking pic.twitter.com/zBi3yL8rVA
— Conflicts Tracker (@ConflictsT) August 1, 2025
Сличен инцидент се случил во селото Углеродовски во Ростовскиот регион, каде што пожар зафатил зграда на компанија за време на напад со беспилотно летало, при што загинал вработен кој го обезбедувал објектот.
Тој додаде дека во селото Углеродовски во Красносулинскиот округ имало пожар во една фирма и дека е изгаснат, објави РИА Новости.
Вршителот на должноста гувернер на Ростовскиот регион Јуриј Сљусар објави дека украинскиот масовен напад со беспилотни летала бил одбиен во седум области.
„Една жена е убиена, а две лица се ранети во напад на украински беспилотни летала во Пензенскиот регион“, објави гувернерот на овој руски регион, Олег Мелниченко, на Телеграм каналот.
Several Russian regions were hit by drone attacks overnight, including oil refineries in Samara and Ryazan, a facility in Penza, an airfield area in Lipetsk, and a fuel depot in Feodosia, Crimea. Fires were also reported near military sites in Rostov and Krasnodar regions—key… pic.twitter.com/YsvgkEOYQA
— WarTranslated (@wartranslated) August 2, 2025
Во текот на ноќта, руските воздушни одбранбени сили соборија вкупно 112 украински дронови над различни региони на Русија, соопшти Министерството за одбрана на земјата.
Меѓу погодените области се Ростовската област – 34 дронови, Краснодарскиот крај – 31, Воронежската област – 12, Рјазан – 11, Самара – пет дронови, Пенза – четири, Белгород – два дрона, како и по еден дрон во Крим и Липецка област.
Исто така, 11 беспилотни летала беа уништени над водите на Црното Море и Азовското Море.
Свет
Извештај: Бројот на ХИВ-позитивни руски војници пораснал за 2.000%

Бројот на случаи на ХИВ кај руските војници се зголемил за 2.000 проценти од почетокот на инвазијата на Украина, според нов извештај, кој го припишува порастот и на незаштитен секс и употреба на дрога меѓу војската, како и на политичките одлуки на Кремљ.
Според извештајот на весникот „Carnegie Politika“, бројот на откриени случаи на ХИВ во руските вооружени сили се зголемил 13 пати до крајот на 2022 година, а 20 пати до крајот на 2024 година.
„Демографските и економските загуби кои Русија ќе ги претрпи како резултат на оваа епидемија ќе имаат последици со децении, и би можеле дури и да ја надминат штетата која ја претрпе од инвазијата на Украина“, се наведува во извештајот.
Зголемувањето на бројот на заразени се должи на неколку фактори, меѓу кои се:
– трансфузија на крв за ранети војници
– повеќекратна употреба на истиот шприц во болниците на првата линија
– незаштитен сексуален однос
– употреба на дрога меѓу војниците.
Извештајот, исто така, ја истакнува пошироката ситуација со ХИВ во Русија, која од 2022 година е меѓу петте земји во светот по број на нови случаи на ХИВ , веднаш зад Јужна Африка, Мозамбик, Нигерија и Индија.
„Нема објективна причина зошто бројот на заболени од ХИВ опаѓа низ целиот свет – освен во Русија. Причините за ова се чисто политички“, се наведува во извештајот.
Кремљ презеде голем број чекори што придонесоа за зголемување на бројот на ХИВ- позитивни лица, честопати во име на одбрана на она што го нарекува „традиционални вредности“, пишува „Киев Индепендент“.
Русија ја стави хуманитарната организација на британскиот музичар Елтон Џон , која се занимава со превенција, грижа и подигнување на свеста за ХИВ и СИДА, на листата на „непожелни организации“ поради наводно „промовирање на нетрадиционални сексуални односи“, објави руското обвинителство на 3 април.
Непрофитната организација, основана во 1992 година и со седиште во Соединетите Американски Држави и Обединетото Кралство, вели дека работи во повеќе од 90 земји „со цел зголемување на пристапот до здравствена заштита, борба против стигмата кон ЛГБТК+ луѓето и искоренување на СИДА-та“.
Во својата изјава, руските обвинители тврдат дека мисијата на оваа фондација е „насочена кон промоција на нетрадиционални сексуални односи, западни семејни модели и промена на полот“.
Свет
Трамп нареди две нуклеарни подморници да се преместат поблиску до Русија

Американскиот претседател Доналд Трамп изјави дека наредил две нуклеарни подморници да бидат „позиционирани во соодветните региони“ како одговор на „многу провокативните“ коментари на поранешниот руски претседател Дмитриј Медведев.
Трамп рече дека дејствувал „за секој случај“, пишува Би-Би-Си.
„За секој случај, ако овие глупави и провокативни изјави се повеќе од тоа. Зборовите се многу важни и честопати можат да доведат до несакани последици, се надевам дека ова нема да биде еден од тие случаи“.
Тој не кажа каде се распоредени двете подморници, во согласност со американскиот воен протокол.
Дмитриј Медведев неодамна им се закани на САД како одговор на ултиматумите на Трамп до Москва да се согласи на прекин на огнот во Украина или да се соочи со строги санкции.
Медведев го обвини Трамп дека игра „ултиматум со Русија“.
Во објава на X, тој рече дека „секој нов ултиматум е закана и чекор кон војна“.
Тој, исто така, го опиша ултиматумот на Трамп како „театарски“ претходно во јули, велејќи дека „на Русија не ѝ е гајле“.
Пишувајќи на Телеграм во четврток, Медведев предупреди на заканата од „мртва рака“ – што некои воени аналитичари го протолкуваа како референца на кодното име на рускиот систем за контрола на нуклеарни напади за одмазда.
Трамп одговори на коментарите на Медведев. Во четврток, тој го опиша Медведев како „неуспешен поранешен претседател на Русија кој мисли дека е сè уште претседател“.
Трамп, исто така, го предупреди Медведев да „внимава на своите зборови“, додавајќи дека „стапнува во многу опасна територија!“