Свет
Најмалку 12 лица убиени во Авганистан во напад на талибаните
Најмалку дванаесет лица се убиени а девет други се ранети откако талибанските милитанти нападнале припадници на компанија за обезбедување во западната авганистанска провинција Фарах, изјавија официјални лица.
Најмалку дванаесет лица се убиени а девет други се ранети откако талибанските милитанти нападнале припадници на компанија за обезбедување во западната авганистанска провинција Фарах, изјавија официјални лица.„Крвавиот напад се случи денеска околу пладне (по локално време), во областа Караван Гах во селото Балаблок, кога персоналот на приватна компанија патувал кон градот Херат во истоимената провинција. Во нападот загинаа 12 членови на персоналот“, изјави портпаролот на полицијата за западниот дел на Авганистан, Абдул Рауф Ахмади за кинеската новинска агенција Синхуа, во четвртокот.Тој додаде дека уште девет вработени во компанијата се здобиле со повреди при нападот извршен со автоматско оружје.„Компанијата згрешила и до нападот на талибаните немаше да дојде, доколку тие ја информираа полицијата пред заминувањето за провинцијата Херат“,истакнал Ахмади.Според извештајот на Обединетите нации за Авганистан објавен на 28-ми септември, просечниот број безбедносни инциденти според месечната стапка регистрирани за оваа година до крајот на август се зголемил за речиси 40 отсто.Во извештајот, исто така, се наведува дека бројот на цивилни жртви веќе е на рекордно ниво во првите шест месеци од годинава, и е зголемен за 5 проценти во периодот меѓу јуни и август 2011 година во споредба со истиот период од трите месеца во 2010 година./крај./син/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.