Свет
Две масовни убиства за еден ден во Мексико
До уште едно стравично откритие во четвртокот наутро дојде мексиканската полиција откривајќи на улиците од големиот град Гвадалахара во западната сојузна држава Халиско, во три возила масакрирани тела на 23 лица.
До уште едно стравично откритие во четвртокот наутро дојде мексиканската полиција откривајќи на улиците од големиот град Гвадалахара во западната сојузна држава Халиско, во три возила масакрирани тела на 23 лица.Како што пренесуваат локалните медиуми, канцеларија на јавниот обвинител на државата Халиско, изјавил дека сите убиени се мажи. Телата на убиените биле ставени во два мали камионета и во еден патнички автомобил, оставени на улица во Гвадалахара.Возилата со телата биле оставени во близина на изложбен центар, каде што во сабота на 26-ти ноември ќе биде отворен Меѓународниот саем на книгата.Според извори од полицијата, во едно од возилата убијците кои го извршиле масакроти, оставиле порака, но не сакале да прецизираат што таа содржела. Полицијата очекува убијците да бидат идентификувани со помош на надзорните камери инсталирани во областа, кои би требало да ги снимат нивните лица.Во Гвадалахара неодамна се одржаа 16-те Пан-американските спортски игри, а натпреварите за спортистите со ограничени можност завршија пред само три дена. Во врска со овие спортски настани, во градот беа донесени огромни полициски сили, но тоа не ги спречи криминалците.Ова свирепо злосторство во Гвадалахара е втората масовна егзекуција извршена во последните 24 часа во Мексико. Во средата навечер, исто така, 23 лица беа убиени во само еден ден во сојзуната држава Синалоа во северозападниот дел на Мексико. Шеснаесет тела беа пронајдени во двa мали камиона, оставени на улиците на главниот град на државата – градот Кулиакан. Автомобилите беа запалени и пред доаѓањето на пожарникарите изгореа речиси целосно. По гаснењето на пожарот, полицијата во едниот камион пронајде 12 јагленисани тела а во вториот уште четири. Други седум лица беа убиени на улица, четири од нив во еден напад, а другите три во друга одвоена пресметка.Експертите се согласуваат дека масовните убиства се поврзани со нарко картелите кои водат меѓусебна војна за превласт на териториите во државите Синалоа и Халиско. Имено во Синалоа, својата криминална кариера ја започна еден од најбараните луѓе од страна на властите на Мексико и САД, наркобаронот Жоакин Гузман Лохер наречен „Шорти“.Своевреметно за информации коишто ќе доведат до апсење на Лохер, кој го предводи „Картелот од Синелоа“, САД објавија награда од 5 милиони долари. Тоа беше една од најголемите награди во историјата на меѓународната борба против трговијата со дрога. Според рејтингот на милијардерите што го прави магазинот Forbes, „Шорти“ е еден од највлијателните луѓе во светот, кој речиси сам ги контролира сите американски пазари на кокаин. Годишниот приход на „Шорти“од илегалното пренесување на дроги во САД, според магазинот, изнесува 323 милиони долари.Откако во 2006 година на власт дојде претседателот Фелипе Калдерон, тој им објави војна на организираниот криминал и нарко мафијата. Меѓутоа, имајќи ја предвид раширената корупција меѓу владините и полициските службеници, тој беше принуден да ја ангажира и војската, која во борбата против картелите учествтва со 50 илјади свои припадници од разни родови.Во војната од 2006-та досега во пресметките во Мексико се убиени повеќе од 36 илјади лица. Мексико е главната транзитна точка за шверцување кокаин од Јужна Америка во САД и истовремено е еден од најголемите светски производители на хероин и марихуана.Според оцените на експертите, секоја година преку Мексико во САД, Европа и Азија се пренесуваат наркотици во вредност од повеќе од 40 милијарди долари. Големата заработка и близината на богатиот американски пазар се причината за крвавите судири меѓу нарко картелите кои сакаат да имаат превласт врз шверцерските канали./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.