Свет
Египетската влада положи заклетва
Новата египетска влада што ќе ја предводи Камал ал-Ганзури во средата положи заклетва пред првиот човек на владејачкиот Врховен совет на воените сили на Египет, маршалот Хусеин Тантави, кој управува со земјата по падот на власта на поранешниот претседател Хосни Мубарак.
Новата египетска влада што ќе ја предводи Камал ал-Ганзури во средата положи заклетва пред првиот човек на владејачкиот Врховен совет на воените сили на Египет, маршалот Хусеин Тантави, кој управува со земјата по падот на власта на поранешниот претседател Хосни Мубарак.Како што во средата попладне јави египетската државна телевизија, Ганзури кој војската го именуваше за премиер на 25-ти ноември, го следеа многу пречки во составувањето на неговиот кабинет, по оставката на кабинетот со кој раководеше Есам Шараф, четири дена претходно. Имено 78-годишниот Газури веќе ја извршуваше премиерската функција во периодот од 1996 до 1999 година во времето на владеењето на Хосни Мубарак. Поради тоа многу кон него не се наклонети голем број припадници од армијата која учествуваа со соборувањето на режимот на Мубарака, а неговото именување беше проследено со протести и блокирање на зградата на владата на Египет.Пред денешното полагање на заклетвата египетската армија соопшти дека му ги дава овластувањата на претседателот, освен за војската и за правосудството.Од поважните ресори во новата египетска влада до последен момент беше криено името на министерот за внатрешни работи функција којашто сега ќе ја извршува Мохамед Ибрахим Јусуф, поранешен началник на полицијата во Гиза, една од најголемите каириски населби, а министер за финансии е Мумтаз Саид.Се очекува, исто така, дека премиерот Газури да има делумно делегирани надлежности на претседател на земјата, така што тој ќе може да работи поефикасно од својот претходник, бидејќи во моментов, целосната власт во Египет е во рацете на Врховниот совет на вооружените сили.Приоритет за новата влада ќе биде враќање на безбедноста, економскиот напредок на Египет и отворањето на нови работни места.По падот на режимот на претседателот Хосни Мубарак, во Египет драматично се влошува безбедносната ситуација. Полицијата сé уште не може да се опорави по бранот напади на полициски станици, па дури и на централната зграда на министерството за внатрешни работи. Во моментов, воени единици и’ помагаат на полицијата во одржување на безбедноста во египетските градови.Економија во Египет не заздрави од шокот и по промената на режимот. Според властите, странските инвестиции во земјата речиси се запрени. Туристичкиот сектор забележа загуби од стотици милиони долари, а според некои показатели индустриските капацитети во Египет, работат со само 50 отсто. Притоа, новата египетска влада треба да ги исполни своите социјални обврски кон населението.Од почетокот на годинава, новите египетски власти потрошиле 16 милијарди долари од девизните резерви на земјата кои изнесуваа 36 милијарди долари, коишто биле акумулирани во последните години од владеењето на Мубарак./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.