Свет
Еврозона: Фискалниот пакт стапува на сила по ратификацијата од девет земји-членки
Новиот меѓувладин договор за засилување на фискалната дисциплина во еврозоната би стапил на сила кога ќе4 го ратификуваат девет од 17-те земји членки на еврозоната, се вели во првиот нацрт на фискалниот пакт кој им беше доставен на лидерите на земјите-членки.
Новиот меѓувладин договор за засилување на фискалната дисциплина во еврозоната би стапил на сила кога ќе4 го ратификуваат девет од 17-те земји членки на еврозоната, се вели во првиот нацрт на фискалниот пакт кој им беше доставен на лидерите на земјите-членки.
Текстот под наслов „Меѓувладина спогодба за засилена економска унија“ им бил доставен на лидерите кон крајот на минатата работна недела. Се работи за нацрт-договорот за новиот фискален пакт, чии принципи беа договорени на самитот на ЕУ на 9 декември, а кој засега само Британија го одби експлицитно.
Првиот нацрт-договор го изработија стручњаците од Европскиот совет и ќе послужи како подлога за работата на работната група на Европскиот совет, која во понеделник ќе започне со работа на детаљите од овој фискален пакт. Целта е работата на текстот на договорот да биде завршена до крајот на јануари 2012 година, потпишувањето на договорот е предвидено за почетокот на март, а ратификацијата би требала да заврши до средината на идната година.
Не се исклучува ниту можноста договорот да биде потпишан на почетокот на фебруари, на вонредниот самит на ЕУ. Според првиот нацрт, договорот би стапил на сила кога ќе го ратификуваат девет земји-членки на еврозоната.
Бидејќи се работи за меѓувладин договор, а не за промена на Лисабонскиот договор за ЕУ, не постои опасност една од земјите-членки да ја блокира целата постапка, како што се случуваше со речиси сите договори за ЕУ. Лисабонскиот договор мораше два пати да биде ставен на референдум во Ирска, а долго се чекаше и на конечниот потпис на претседателот на Чешка, Вацлав Клаус.
Сега таквото сценарио би можело да се одбегне штом спогодбата ја ратификуваат повеќе од половина од 17-те земји-членки на еврозоната. Другите држави, каде што ратификацијата евентуално би била закочена, би можеле да му се приклучат на пактот подоцна.
Нацрт-договорот предвидува сите држави-потписнички во своите устави да го вградат таканареченото „златно правило“, според кое буџетските дефицити не смеат да надминат три проценти од БДП-то на одредена земја, а јавниот долг не смее да надмине 60 проценти од БДП. Една од земјите-членки може да покрене судски процес пред Европскиот суд на правдата против друга членка, која нема да ги почитува заедничките правила. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.