Новите стандарди за однесување на британските полицајци со претставниците на медиумите, препорачуваат внимателно кокетирање со новинарите и избегнување во нивно друштво конзумирање алкохол, за да се спречи истекување, дури и ненамерно, доверливи информации

Новите стандарди за однесување на британските полицајци со претставниците на медиумите, препорачуваат внимателно кокетирање со новинарите и избегнување во нивно друштво конзумирање алкохол, за да се спречи истекување, дури и ненамерно, доверливи информации, стои во објавените во средата ревидирани правила на авторот на извештајот Елизабет Филкин.Филкин, поранешен шеф на Парламентарната комисија за стандарди во работата и однесувањето на британските пратеници, ја предводи групата којашто го подготвуваше извештајот откако во текот на летото 2011 година изби скандалот со незаконските практики на британските новинари. Се покажа дека голем број новинари во Велика Британија при изработка на нивните написи се користеле со нелегални телефонски прислушувања, како и поткуп на полицијата за да дојдат до информации. Британскиот премиер Дејвид Камерон најави две истраги, јавна и криминална, а паралелно Скотланд Јард вети дека ќе ги ревидира стандардите за однесувањето на своите припадници кога станува збор за контактите со новинарите. Извештајот на Филкин ќе биде основа за новиот правилник.Говорејќи на прес-конференција во Лондон, Филкин нагласи дека на полицајците не им се забранети средби со новинари, но заедничка посета на ресторани и пабови, конзумирање алкохол – не треба да стане правило. Алкохолот „го разврзува јазикот“, затоа треба да се остане внимателен и да не се „флертува“ со новинарите.„Ние не забрануваме да се конзумира алкохол во друштво на новинари, меѓутоа тоа не треба да стане навика. Има сериозни повреди на рамката на рационалната комуникација меѓу новинарите и полицајците што ја поткопа довербата на јавноста во работата на Скотланд Јард“, изјави Филкин.Финалниот документ како целина доаѓа до заклучок дека работата на полицијата мора да стане поотворена, а информирањето на медиумите и јавноста максимално целосно и навремено, поточно оти недостигот од информации доведува до тоа новинарите да се во потрага по различни начини за да дојдат до информации.Документот препорачува само во исклучителни случаи, полициските службеници да се впуштат во затворен брифинг со индивидуалните претставници на медиумите, како и да водат евиденција за сите средби со новинарите, така што подоцна сето тоа да може да се следи.„Препорачувам да бидат поотворени при обезбедувањето информации за јавноста, главно преку медиумите. Исполнувањето на двата нови предизвика – информирањето и рационалната интеграција (во општеството) – ќе ни помогне да се промениме, нашите односи со новинарите да бидат валидни а не обврзувачки“, додава авторката на извештајот./крај/рн/сн