Свет
Саркози уште заостанува зад Оланд
Кандидатот на француските социјалисти на претседателските избори што ќе се одржат во април годинава ја зголеми предноста пред Николас Саркози
Кандидатот на француските социјалисти на претседателските избори што ќе се одржат во април годинава ја зголеми предноста пред Николас Саркози и покрај напорите на конзервативниот претседател со реформи да го поттикне растот, вработеноста и конкурентноста, покажаа резултатите од анкетата објавена во вторникот. Така, Франсоа Оланд на изборите што ќе се одржат на 22-ри април 2012 година би требало да добие поддршка од 31 отсто од гласачите, следи актуелниот претседател Никола Саркози со 24,5 отсто, што е за 2,5 отсто поголема разлика од анкетата спроведена пред две седмици, покажува анкетата што ја спровел институтот IFPO за радиото Europe 1, телевизијата Public Sénat и неделникот Paris Match.Според анкетата објавена во вторникот, опаднала и поддршката за претседателската кандидатка на крајната француска десница и за кандидатот на центарот. Така, во првиот изборен круг Марин Лепен би требало да освои 19 наместо претходни 20 отсто, а Франсоа Беиру со 11,5 отсто наместо 12,5 отсто од гласовите.Според истата анкета, во вториот круг што ќе се одржи на 6-ти мај, Холанд би добил 58 а Саркози 42 отсто од гласовите. Анкетата е спроведена откако Саркози ги претстави реформите за надминување на француските економски проблеми, меѓу кои се зголемувањето на ДДВ-то од 19,6 на 21,2 отсто, воведувањето данок од 01 отсто на финансиските трансакции од август годинава, како и евентуалното зголемување на нивото на данокот на француското социјално осигурување CSG и формирањето државна банка за финансирање на индустрискиот развој со сопствен капитал од милијарда евра, којашто ќе биде фокусирана врз развојот на индустријата и на решавањето на проблемот со растот на невработеноста, којашто минатата година ја достигна рекордната стапка во последните 12 години.Саркози, пак, според анкета од почетокот на јануари, спроведена за весникот Le Journal du Dimanche од агенцијата IFOR,ја капитализирал централната улога којашто ја одигра во смирувањето на европската должничка криза, а неговата популарност се зголемила дури и по најавувањето на непопуларното воведување данок на трансакции и по поагресивната кампања на Оланд. Според испитувањето на јавното мнение, во првиот круг од француските претседателски избори на 22-ри април, Оланд би освоил 28 отсто, а Саркози 26 проценти од гласовите. Претходно Оланд имаше 10 отсто предност, кусо време откако социјалистите во октомври минатата година ги спроведоа внатрепариските избори кога Оланд ги победи своите шест противкандидати. Во посебна анализа на јавната поддршка што на Саркози му ја изрази германската канцеларка Ангела Меркел од чијашто партија соопштија дека таа ќе има „активна улога“ во кампањата на францускиот претседател“, Reuters пишува дека Меркел со тоа сака да испрати порака колку за Европа е важен двоецот кој медиумите го нарекоа „Меркози“Саркози во центарот на својата кампања ја стави Европа и смета на поддршката на Меркел, канцеларката на најсилната европска економија. Интересот на Меркел е да го задржи Саркози на власт, бидејќи со него изгради стратегија за решавањето на европската должничка криза, пишува натаму Reuters, цитирајќи ја изјавата на пратеникот од германската владејачка партија CDU дека канцеларката сака да ја избегне соработката со Оланд кого го смета за „левичарски анахронизам“. Инаку, политиката на Оланд во однос на Европа малку се разликува од онаа на Саркози, но тој неодамна му објави војна на финансиерскиот естаблишмент, што во Берлин се толкува како тактика со којашто се сака да се соберат левичарите и да се добијат нивните гласови уште во првиот круг. Оланд, исто така, најави дека сака да ја прекине практиката според која Берлин и Париз одлучуваат за еврозоната којашто ја сочинуваат 17 членки и е посклон за тоа да одлучуваат европските институции и националните парламенти..„Французите мора да сфатат дека овие избори не се за домашните политички прашања“, предупреди Урлике Гуерот од Европскиот совет за надворешни работи во Берлин додавајќи дека изборите поточно се „транснационална изборна кампања“.Според Џан-Франсоа Коп кој ја води кампањата на партијата на Саркози UMP, оценува дека „најголемата слабост на Оланд што тој е целосно без врска со стварноста на денешниот свет“./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.