Федералното обвинителство на Германија испитува дали претседателот Кристијан Вулф добил финансиски концесии од компанијата „Ауди“, пишува во четвртокот интернет изданието на весникот Frankrufter Rundschau.

Федералното обвинителство на Германија испитува дали претседателот Кристијан Вулф добил финансиски концесии од компанијата „Ауди“, пишува во четвртокот интернет изданието на весникот Frankrufter Rundschau. „Спроведуваме проверка за можно прекршување на законот“, го цитира изданието главниот обвинителот Симон Хербет. Според весникот, претседателот Кристијан Волф и неговата сопруга Бетина во летото 2011 година кај компанијата резервирале автомобил, а до испораката на возилото сопружниците Вулф бесплатно користеле автомобил „ауди Q3“, кој компанијата го испорачала како алтернатива.Скандалот поврзан со германскиот претседател почнаа да се развива во декември минатата година. Пратеници и јавноста ги обвинија Вулф, дека во периодот кога ја извршувал функцијата премиер на Долна Саксонија, ги искористил приватните односи за подигнување повластен креди во висина од половина милион евра, доведувајќи го во заблуда парламентот на сојузната држава. Во почетокот на 2010 година, фракцијата на „Зелените“ во парламентот на Долна Саксонија го постави прашањето за односите меѓу Вулф и претприемачот Егон Геркенс за заеднички бизнис проекти. Всушност, се покажа дека парите на Волф, му ги позајмила Едит, сопругата на неговиот пријател и претприемач Егон Геркенс. Договорот за приватниот заем бил потпишан во октомври 2008 година, а Волфови со добиените пари купиле куќа и локација во вредност од 415 илјади евра. Но наместо 5 отсто камата на годишно ниво, Волф плаќал камата од 4 отсто и сега треба да го исплати кредитот. Потоа во јавноста излезе информацијата дека Волф телефонски се јавил во весникот Bild и барал да не се објавуваат информации за неговите лични и семејни финансиски работи. Германската канцеларка Ангела Меркел на 11-ти јануари му ја изрази својата поддршка на претседателот Кристијан Вулфи, кој се најде на ударот на жестоки критики поради добивањето на повластениот кредит и обидот да изврши притисок врз редакцијата врз едно од најголемите изданија во Германија. Иако во моментов германските медиуми не се преокупирани со аферата на претседателот Вулф, доколку обвинителството утврди неправилности во овој случај, постои опасност од разгорување на скандалот со нов интенизтет./крај/рн/сн