Свет
Командата на антиракетниот штит во Германија?
Командниот центар на противракетниот штит на НАТО во Европа ќе биде сместен во Германија, најави во четвртокот неименуван дипломата за AFP на маргините на состанокот на министрите за одбра на земјите членки на алијансата што се одржува во Брисел.
Командниот центар на противракетниот штит на НАТО во Европа ќе биде сместен во Германија, најави во четвртокот неименуван дипломата за AFP на маргините на состанокот на министрите за одбра на земјите членки на алијансата што се одржува во Брисел. „Командниот центар на противракетниот штит НАТО ќе биде сместен во базата на НАТО во Рамштајн, на запад од Германија“, изјавил дипломатите додавајќи дека тоа официјално ќе биде соопштено во текот на состанокот кој трае до петок. Тој појаснил дека командниот центар би требало да биде оперативен по самитот на НАТО што ќе се одржи кон крајот на мај во Чикаго. Германскиот министер за одбрана, Томас де Маизиере изјави претходно дека воздухопловната база во Рамштајн „во очите на НАТО и на САД, во текот на идните години ќе ја сочува својата стратешка важност“. Проектот на противракетниот штит осмислен за да претставува заштита на Европа до можни ракетни напади од Блискиот исток, особено како што сметаат САД – од Иран, треба да биде завршен во 2018 година./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.