Свет
Аргентина поднесе тужба против Британија
Аргентина во Обединетите нации поднесе тужба поради британската милитаризација во јужен Атлантик, а генералниот секретар на ОН Бан Ки-Мун ги повика двете земји да ја спречат ескалацијата на спорот околу Фолкландските острови.
Аргентина во Обединетите нации поднесе тужба поради британската милитаризација во јужен Атлантик, а генералниот секретар на ОН Бан Ки-Мун ги повика двете земји да ја спречат ескалацијата на спорот околу Фолкландските острови. „Поседуваме информации дека Британците по најновите случувања испратиле во јужен Атлантик нуклеарна подморница којашто може да носи нуклеарно оружје“, изјави за новинарите аргентинскиот министер за надворешни работи, Хектор Тимерман, пренесува AFP.Тимерман ја обвинил Велика Британија дека со ова „четирикратно ја зголемила својата поморска воена сила во јужен Атлантик“ и станала најголема воена сила во регионот. Прекомандувањето на шест седмици на принцот Вилијам на Фолкландите и испраќањето на супермодерниот разурнувач „HMS Dauntless““ кој треба да замени патролен брод во споменатиот регион, Лондон го претстави како рутински операции. Меѓутоа, како што пишуваше британскиот печат, во водите кај Фолкландите, наскоро Велика Британија може да испрати и нуклеарна подморница. Поткрепувајќи го своето тврдење, шефот на аргентинската дипломатија Тимерман на новинарите им презентирал фотографии од воена опрема на Фолкландите и на другите британски воени бази во тој регион, како и различни воени системи.„Јужен Атлантик е последниот бастион на империјата што пропаѓа“, рекол Тимерман.Тој во Њујорк имал средба со генералниот секретар на ОН, Бам Ки-Мун, а пото и со претседателите на Советот за безбедност, Кодџо Менан и на Генералното собрание, Абдулазис ал-Насер.Ки-Мун по овие разговори побарал од Аргентина и Велика Британија да ја спречат ескалацијата на овој спор“ и ги понудил „своите услуги во решавањето на спорот дококу двете земји тоа го побараат“.Одговарајќи на аргентинските обвиненија, британскиот амбасадор во ОН, Марк Лиол Грант изјавил дека тие „немаат никаква смисла“. „Ништо не се промени во британскиот воен систем кој е исклучиво одбранбен“, нагласил Грант. Фолкландските острови, или Малдивите како што се нарекуваат на шпански јазик, се наоѓаат на крајниот југ од Аргентина, се под управа на Велика Британија од 1833 година, кога со воена сила од таму беа истерани аргентинските власти. Сега таму се стационирани околу илјада британски војници.Око овој архипелаг се води вербална војна во пресрет на 30-годишнината од британско-аргентинската војна поради суверенитетот над островите, кој се случи од 2-ри април до 14-ти јуни 1982 година. /крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.