Свет
Во Дагестан, убиен бунтовничкиот лидер Даудов
Исламсистичкиот бунтовник кој беше ликвидиран во руската република Дагестан е иденитфикуван како 51-годишниот водач на бандитска група, како што бунтовниците ги нарекуваат руските власти, Ибрахимхалил Даудов
Исламсистичкиот бунтовник кој беше ликвидиран во руската република Дагестан е иденитфикуван како 51-годишниот водач на бандитска група, како што бунтовниците ги нарекуваат руските власти, Ибрахимхалил Даудов, јавува РИА Новости повикувајќи се на портпаролот на рускиот Национален антитерористички комитет (НАК), Николај Синцов.Според руските власти, Ибрахимхалил Даудов бил првиот човек на дагестанското подземје.Претходно, извор од безбедносните сили на Дагестан за агенцијата рекол дека ноќта кон вторникот во Карабудахкантскиот регион на републиката, каде што неодамна била спроведувана операција на специјалците, во река било пронајдено тело на бунтовник. Според оперативните сознанија на дагестанската полиција, Даудов застанал на чело на бунтовниците по ликвидацијата на Мохамедали Вагабов во август 201 година. Инаку според руските разузнавачки служби, Вагабов бил организаторот на двојниот терористички акт во московското метро од март 2010 година, кога загинаа 40 луѓе а 100 беа ранети. Сопругата на Даудов, Завџат Убаџулаева е разнесена при експлозија на експлозивна направа од домашно производство во московскиот кварт Кузминки. Се верува дека таа планирала на 31-ви декември 2010 година да изврши напад во Москва. За подготовка на овој напад по Даудов беше објавена федерална потерницаСите три сина на Даудов, исто така, биле активни членови на нелегални вооружени групи и биле ликвидирани во некололку операции на руските безбедносни силии.Според НАК, Даудов е извршител на повеќе убиства и напади, заплашувања на цивили, бизнисмени и свештени лица, изнуди и нелегална трговија со оружје, вклучувајќи и организирање .напади на бомбаши самоубијци.Пред ликвидацијата на Даудов, руските безбедносни сили на крајот од јануари го ликвидираа и Џамајеил Муталиев, еден од водачите на бунтовниците во Ингушетија, соседна на Дагестан во немирниот регион на Северен Кавказ. Муталиев беше еден од водачите на меѓународната терористичка организација „Кавкаски Емират“, кој беше обвинет за повеќе терористички напади и поттикнување на самоубиствени напади, меѓу кои и оној во градот Владикавказ, во септември 2010 година при што загинаа 19 а 240 луѓе беа ранети, како и убиство на четири полицјаци во Чеченија/крај/рн/мф/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.