Свет
Обвинителството бара пет години затвор за Берлускони
Државното обвинителство во Милано побара во средата петгодишна затворска казна за поранешниот италијански премиер Силвио Берлускони поради обвинението за подмитување сведок во аферата Милс, јавува агенцијата ТMNews.
Државното обвинителство во Милано побара во средата петгодишна затворска казна за поранешниот италијански премиер Силвио Берлускони поради обвинението за подмитување сведок во аферата Милс, јавува агенцијата ТMNews. „Сигурни сме, без секакво сомнение, дека обвинетиот е виновен“, ги цитира AFP зборовите на државниот обвинител Фабио Депасквале. Во аферата Милс којашто е проследена со многу правни заплети, Силвио Берлускони, е обвинет дека на поранешниот британски адвокат Дејвид Милс му исплатил сума од 600 илјади долари за лажно сведочење во повеќе постапки водени во 1990-те. Според истрагата, Берлускони во 2000 година преку Карло Бернаскони, еден од главните менаџери на компанијата „Fininvest“ чијшто основач и сопственик беше поранешниот италијански премиер, му префрлил 600 илјади долари на банкарската сметка во Швајцарија на поранешниот адвокат Милс кој во тоа време беше главен финансиски консултант на Берлускони.За ова консултантот Милс, во својство на сведок во судската постапка во случајот на „црните средства“ на „Fininvest“, требало да го премолчи финансиското работење на компанијата во текот на 1990-тите години, за избегнувањето на даночните преку регионите попознати како „даночни раеви“, тврди истрагата.Обвинителот Депасквале, меѓу другото, како доказ за вината на Берлускони ја наведува одлуката на италијанскиот Врховен суд, кој е највисоката судска истанца во земјата, од февруари 2010 година. Имено Врховниот суд пред две години донесе пресуда дека кривичното дело за корупција за коешто на Дејвид Милс му се судеше во одвоена постапка, застарело и ја поништи казната од 4,5 години затвор коишто на британскиот адвокат претходно му беше пресудени од страна на прво и второстепениот суд. Највисокото судско тело во Италија во образложението на тогашната своја пресуда наведе дека станува збор за „многу тежок случај на корупција“, потврдувајќи индиректно дека Берлускони го подмитил Милс. По поднесувањето на обвинителниот предлог во средата, на идната расправа ќе има збор одбраната на Берлускони, а како што објавија локалните медиуми, судијата може да ја објави својата одлука по ова прашање на 25 февруари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.