Светска банка(СБ) во петок најави глобален сојуз за подобро управување и заштита на океаните кои се загрозени заради загадувањето и климатските промени.

Светска банка(СБ) во петок најави глобален сојуз за подобро управување и заштита на океаните кои се загрозени заради загадувањето и климатските промени.Океаните, како што сликовито се изрази претседателот на Светска банка Роберт Зелик, се крвоток на нашата планета и глобалната економија. Милиони луѓе, како што рече првиот човек на СБ, зависат од морињата и океаните заради бизнисот и храната, а зависноста ќе расте како што расте и бројот на жителите во светот.„Морињата и океаните се прекумерно експлоатирани, крајбрежјата нагрдени и уништени, а коралните гребени се загрозени заради загадувањето и подигањето на температурата на морето. Потребно е да се упати нов СОС – да ги спасиме нашите мориња“, истакна Зелик.Тој додаде дека СБ, во соработка со владите, научната заедница, здруженијата на цивилното општество и приватниот сектор, сака да собере 1,2 милијарди долари за здрави и одржливи мориња и океани.Втора цел, како што е најавено, е обнова на рибниот фонд. Според Зелик, 85 отсто од океанските рибни фондови се или премногу изловени или целосно исцрпени. /крај/хн/ст