Безредијата и убиствата кои следеа по случајното палење на примероци на муслиманската света книга Куранот во американската воена база во Багрем, во северен Авганистан, нема да ја промени стратегијата НАТО во таа земја, соопшти во понеделникот Пентагон.

Безредијата и убиствата кои следеа по случајното палење на примероци на муслиманската света книга Куранот во американската воена база во Багрем, во северен Авганистан, нема да ја промени стратегијата НАТО во таа земја, соопшти во понеделникот Пентагон. Министерот за одбрана на САД, Леон Панета и началникот на генералштабот на американската армија, генералот Мартин Демпси, се решителни во поглед на продолжувањето на операциите кои имаат цел на авганистанските сили до крајот на 2014 година да им се предаде одговорноста за безбедноста на нивната земја, изјави портпаролот за американското министерството за обрана, Џорџ Литл. Според него, Панета и Демпси веруваат дека „основите на американската стратегија и натаму се цврсти“, како и дека Вашингтон нема намера да ја менува временската рамка во поглед на повлекувањето од Авганистан.„Коалициските сили од ова ќе излезат поцврсти и обединети. Многу работи се на коцка во Авганистан, а предаденоста на нашата мисија и стратегија нема да слабее“, порача Литл, Тој истакна дека последните настани „не ги заслепија луѓето да не го видат напредокот што е постигнат во земјата“.„Мисијата ИСАФ, силите предводени од НАТО, во партнерство со авганистанските национални сили, и’ нанесуваат порази на Ал Каеда и нејзините терористички сојузници, а исто така им оневозможува од Авганистан да направат свое безбедно засолништво“, дополнува Литл. Во последните шест дена од кога низ цел Авганистан избувнаа немирите поради спалувањето на Куранот, загинаа 30 лица, вклучувајќи и четворица Американци. Двајца војници од САД беа убиени кога авганистански војници застанаа на страната на демонстрантит, а исто така загинаа и двајца американски офицери коишто работеле како советници во авганистанското министерство за внатрешни работи во Кабул./крај/ро/сн