Мит Ромни освои најмногу гласови на партиските избори во Мичиген и Аризона, со што ја зајакна својата позиција како главен фаворит за кандидат на републиканците, кој на ноемвриските избори ќе му се спротистави на актуелниот претседател на САД, Барак Обама.

Мит Ромни освои најмногу гласови на партиските избори во Мичиген и Аризона, со што ја зајакна својата позиција како главен фаворит за кандидат на републиканците, кој на ноемвриските избори ќе му се спротистави на актуелниот претседател на САД, Барак Обама. По пребројувањето на речиси сите гласачки ливчиња во сојузната држава Мичиген, Ромни освои 41 отсто од гласовите, додека неговиот ривал, ултра конзервативниот Рик Санторум, доби 38 отсто од гласовите. Евентуалниот пораз на Ромни во родниот Мичиген, каде неговиот татко беше гувернер, можеше да му нанесе огромна штета во понатамошната трка за републикански кандидат на претседателските избори. „Пред само една недела, стручњаците и анкетите не ни даваа никакви шанси, но јас продолжив да разговарам со мајки, татковци, студенти, баби, дедовци…нивниот напор вечерва вроди со плод и донесе голема победа во нашата кампања“, рече Ромни пред своите приврзаници. Ромни, кој се смета за умерен републиканец, победи и во сојузната држава Аризона, каде неговата победа беше очекувана. По преброените 80 отсто од гласовите, Ромни има освоено 47 отсто од гласовите, наспроти Санторум за кого гласале 27 отсто од републиканските гласачи. крај/б/нц