Унгарскиот премиер Виктор Орбан и’ забележа на Европската комисија за недостиг од „декомратска легитимност“ во интервјуто за неделното издание на германскиот весник Frankfurter Allgemeine Sonntagszeitung.

Унгарскиот премиер Виктор Орбан и’ забележа на Европската комисија за недостиг од „декомратска легитимност“ во интервјуто за неделното издание на германскиот весник Frankfurter Allgemeine Sonntagszeitung.„Мене ме избра, унгарската влада ја избраа, Европскиот парламент, исто така, го избира. Но кој ја избра Европската комисија? Каде е нејзината демократска легитимност?“, прашува во интервјуто премиерот на Унгарија, Виктор Орбан. Односите меѓу Унгарија и Европската комисија се напнати откако комисијата минатата седмица предложи блокирање на помошта за да сенкционира преголемиот унгарски буџетски дефицит. Унгарија нема да загуби „ниту еден цент“ од своите европски кохезиски фондови, изјави во петокот унгарскиот премиер.Покрај тоа, владата на Виктор Орбан беше цел на критиките на Европската унија поради законот за реформи на централната банка и правосудството, со коишто според ЕУ се задира во независноста на овиее институции.Орбан ја обвини „меѓународната левица“ дека спроведува офанзива против неговата влада. Поради големиот пад на левицата во Унгарија, Орбан тврди дека левата интернационала сега го напаѓа „однадвор, и тоа не само од Европа, туку и од Америка“.Покрај тоа, унгарскиот премиер им забележува на европските челници дека ја загубиле „вербата“ во она што некогаш беше „величината“ на Европа.„Не сакаме да одиме на сила, бидејќи Европа е место на христијанската култура“, вели Орбан нарекувајќи ги Германците „носители на надежите“ во услови на должничката криза чијашто „судбина“ е да ја предводат Европа. Весникот пишува и дека Орбан рекол дека е подготвен повторно да преговара со Брисел за прилагодување на унгарските закони./крај/афп/сн