Свет
Демонстрации во Либија против отцепувањето на регионот Сиринајка
Илјадници Либијци денеска демонстрираа во двата најголеми градови, Триполи и Бенгази, во протест против племенските лидери на истокот на земјата кои бараат тој дел на земјата да добие полусамостојност.
Илјадници Либијци денеска демонстрираа во двата најголеми градови, Триполи и Бенгази, во протест против племенските лидери на истокот на земјата кои бараат тој дел на земјата да добие полусамостојност.
Демонстрантите извикуваа слогани за единство на земјата и фрлаа со чевли по фотографиите на шефот на регионалниот совет на регионот Сиренајка, Ахмед Зубаир ал-Семуси.
Сиренајка го опфаќа речиси целиот источен дел на Либија долж границата со Египет, од крајбрежниот град Сирт, со Бенгази како главен град на регионот. Токму таму во петокот лидерите на источнолибиските племиња и милиции го објавија барањето за федерализација на земјата. Во Сиринајка се наоѓаат две третини од вкупните резерви на нафта на земјата.
Во интервју за британската ТВ мрежа BBC, Сенуси најави дека е подготвен да преговара со централните власти на Либија за воспоставување на полуавтономен дел на Либија, кој би се нарекувал Сиринајка и кој е пребогат со нафта. Тој истакна дека е решен да се избори за федерализација на земјата, но дека е подготвен за дискусија каква форма би имало осамостојувањето.
Од своја страна, привремениот лидер на земјата Мустафа Абдел Џалил преку националната телевизија предупреди дека единството на земјата ќе биде одбрането и со сила, ако треба.
Демонстрациите беа поттикнати најмногу од верските лидери, кои во петочната молитва ги предупредија верниците дека планот за автономија ќе ја растури државата. На Плоштадот на мачениците во Триполи, каде што се одржаа најголемите демонстрации, луѓето извикуваа „Не на федерализмот“ и „Либија е една“.
Познавачите на состојбите во Либија велат дека декларацијата за полуавтономија има голема поддршка меѓу жителите на Бенгази, кои се незадоволни од бавноста на промените по падот на Моамер Гадафи. Сепак, велат тие, дури и меѓу нив нема целосен консензус. Народот кој живее во Сиринајка, познат како Берка беа особено запоставени во времето на Гадафи, кои целиот развој на земјата го насочи кон западниот дел.
По стекнувањето со независност во 1051 година, трите главни региони на Либија имаа автономен статус, здружени во федерално уредување, се додека тоа не беше целосно отфрлено во 1963 година.
Планот на Регионалниот совет на Сиринајка за автономија предвидува регионален парламент и контрола врз полицијата и судовите, но не бара целосна поделба на земјата. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.