Свет
Протести на опозицијата во Москва
Во саботата во руската престолнина Москва се одржуваат протестите на опозицијата под мотото „За чесни избори“, на кои се протестира против победата на премиерот Владимир Путин на претседателските избори од 4-ти март, кога победи со 63,6 отсто од гласовите.
Во саботата во руската престолнина Москва се одржуваат протестите на опозицијата под мотото „За чесни избори“, на кои се протестира против победата на премиерот Владимир Путин на претседателските избори од 4-ти март, кога победи со 63,6 отсто од гласовите. Контроверзни се податоците за присуството на приврзаниците на руската опозиција на митингот што се одвива на Нов Арбат. Според организаторите се собрале 25 илјади демонстранти, додека според московската полиција во 14 часот по локално време (11 часот по македонско време) имало собрано повеќе десет илјади демонстранти на митингот за кој московските власти според рускиот закон а протести дозволија учество на 50 илјади луѓе. Еден од организаторите на протестот, Сергеј Удалцов, тврди дека митингот којшто го обезбедуваат 2.500 полицајци. Опозиционерот Владимир Рижков, кој на митингот повика да се соберат пари за адвокати и лекарства за политичките затвореници, за руските медиуми изјави дека на Нов Арбат се присутни 25 илјади противници на Владимир Путин. „Тие (полицијата – з.р.) вели дека сме пет илјади, а нé има десет пати повеќе. Ние ќе минеме крај зградат на ГУВД, за да нé пребројат“, изјави Удалцов.„Во 14 часот на Нов Арбат се собраа околу 10 илјади луѓе, од кои 8 илјади се наоѓаат на самото местото а околу две илјади се раштркани на просторот ограден од полицијата според најавената 50-илјадна присутност. Се забележува заминување на луѓето од настанот“, се наведува во соопштението издаден од канцеларијата на началникот на московската полиција. Во саботата руската опозиција повторно излезе на улиците за да бара промена на политичкиот систем во земјата. Инаку ова се првите протести откако Путин и официјално е прогласен за победник на претседателските избори, додадел либералниот политичар Владимир Рижков. „Ќе продолжиме да бараме слобода на говорот вонредни парламентарни избори и нови претседателски избори по воведувањето ан новите правила. Ние, исто така, бараме ставање крај на цензурата во медиумите и ослободување на политичките затвореници“, рече на митингот Рижков, додавајќи дека опозицијата бара натамошни реформи. Според конечните резултати на Централната изборна комисија на Руската Федерација, Владимир Путин освоил 63,6 отсто од гласовите, со што е победник на претседателските избори уште од првиот круг. Меѓутоа, неговите противници тврдат дека на изборите имало многу манипулации и неправилности во полза на кандидатот на владејачката партија Единствена Русија. Руските власти воведоа реформи во политичкото законодавство по парламентарните избори од декември за коишто опозицијата исто така тврди дека биле освоени со измама./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.