Свет
Русија: Западот зема пореален пристап за сириската криза
Настојувањата на западните земји за решавање на сириската криза станаа пореални, но тоа не е доволно за да се излезе од ситуацијата,се наведува во соопштението на прес-службата на руското министерство за надворешни работи издадено во понеделникот.
Настојувањата на западните земји за решавање на сириската криза станаа пореални, но тоа не е доволно за да се излезе од ситуацијата,се наведува во соопштението на прес-службата на руското министерство за надворешни работи издадено во понеделникот.
Како што се наведува во писмената изјава на министерството за надворешни работи, „Русија продолжува да бара политичко решение за сириската криза, неодложен прекин на секакво насилство и обезбедување на хуманитарните потреби на цивилното население“, пренесува руската агенција РИА Новости.
„Ние преземаме во оваа насока енергични дипломатски напори во контактите со Арапската лига, Обединетите нации и, исто така, на билатерално ниво. Притоа во последно време Москва забележува извесни промени во смисла на однесувањето на нашите западни партнери во однос на Сирија, коишто манифестираат повеќе реалност, што, сепак, не е доволно за да излезе од сложената ситуација“, се вели во цитираното соопштение на руското МНР.
Советот за безбедност на Обединетите нации во петокот одлучи да ја поддржи мисијата на специјалниот пратеник на ОН и на Арапската лига, поранешниот генерален секретар на ОН, Кофи Анан, да се најде политичко решение за состојбата во Сирија, каде што цела година не запираат вооружените судири меѓу власт и опозиција.
Претходно Анан прими од сирискиот претседател Башар ал-Асад одговор на неговите предлози за решавање на конфликтот во Сирија. Според Анан, во оваа порака официјален Дамаск до крај не ја појаснува својата позиција во однос на прашањата покренати од страна на дипломатот. Специјалниот претставник, кој го посети Дамаск минатата седмица, со раководството на Сирија разговараше за неопходноста од итен прекин на насилството од и од двете страни, обезбедување на пристап до населението погодено од конфликтот и почеток на политичкиот дијалог во земјата.
Од средината на март 2011 година во Сирија избувнаа протести против режимот на претседателот Башар ал-Асад, коишто минаа во вооружена конфронтација. Според ОН, досега во судирите меѓу регуларните безбедносни сили и вооружените припадници на опозицијата на чија страна преминаа и дезертирани војници, загинале повеќе од 8.000 луѓе, додека сириските невладини организации тврдат дека бројот загинати во конфликтот изнесува околу 9.600 убиено од кои најмалку 2.500 се дезертирани војници и припадници на безбедносните сили. Сириските власти, пак, тврдат дека бројката загинати во судирите на надминува 2.500 луѓе, од кои повеќето се припадници на армијата и полицијата кои водат борби со „вооружени терористи поддржани однадвор“./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.