Контакт

Свет

Обама ја посети демилитаризираната зона меѓу двете Кореи

Објавено пред

Американскиот претседател Барак Обама во неделата ја посети демилитаризираната зона на границата меѓу Јужна и Северна Кореја, давајќи поддршка и солидарност на својот сојузник во Сеул пред најавеното севернокорејско лансирање на проектил од долг дострел следниот месец.

Американскиот претседател Барак Обама во Сеул допатува пред одржувањето на самитот за нуклеарна безбедност, кој почнува во понеделник. Од главниот град на Јужна Кореја, тој со хеликоптер бил пренесен до американската база на самиот крај на демилитаризираната зона.

„Момчиња, вие сте на границата на слободата“, рекол Обама обраќајќи им се на педесетината американски војници во базата „Кемп Бонифејс“, сместена на јужнокорејската страна од најутврдената граница во светот, којашто поранешниот американски претседател Бил Клинтон за време на неговата посета од 1993 година ја нарече „најстрашното место на Земјата“.

„Разликата меѓу Јужна и Северна Кореја не може да биде позебележлива, не може да биде појасна, и кога е во прашање слободата и кога е во прашање напредокот“, рекол Обама, пренесува Reuters.

Американскиот претседател минал десетина минути на високата набљудувачка платформа во зоната, заштитен со непробојно стакло, притоа со двоглед гледајќи на севернокорјеската страна од демилитаризираната зона и разговарајќи со војниците.

Посетата на Обама на демилитаризираната зона меѓу двете Кореи се случува во време кога се зголемува загриженоста во регионот поради најавеното пробно лансирање на севернокорејската ракета со долг дострел, закажано за април. Вашингтон ја осуди оваа намера на Пјонгјанг, кој тврди дека станува збор за лансирање сателит, оценувајќи дека станува збор за прекршување на ветувањата што ги даде неодамна водството на Северна Кореја дека ќе ја сопре својата нуклеарна програма и лансирањето на проектили со долг дострел.

Американскиот претседател на самитот во Сеул има намера да изврши притисок врз руските и кинеските претставници да со нивното влијание се обидат да го спречат најавеното лансирање на ракетата.

Ова е првата посета на Обама на демилитаризираната зона којашто го дели Корејскиот полуостров од завршувањето на Корејската војна од 1953 година, и е еден од начините на кој сака да ја демонстрира цврстината на американското и јужнокорејското сојузништво, којашто е искажана и со постојаната присутност на 30-те илјади американски војници во Јужна Кореја.

Во неделата, пак, од другата страна на границата што ја посети Обама, се одбележуваат сто дена од смртта на деценискиот севернокорејски комунистички лидер Ким Јонг-Ил. Сите знамиња во Северна Кореја во неделата се на половина копје, а сирените точно напладне по локално време го означија почетокот на триминутниот целосен молк.

Новиот севернокорејски лидер Ким Јонг-Ун, третиот припадник на династијата Ким којшто ја презема власта, како што пренесуваат корејските медиуми, се поклонил пред одарот на својот татко во претседателската палата во Пјонгјанг во којашто е погребан. И Ком Јонг-Ун на почетокот од март ја посети демилитаризираната зона, порачувајќи им на севернокорејските војници дека секогаш мора да бидат подготвени бидејќи секогаш се под непријателската закана./крај/ро/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Разбиена разбојничка група во Италија, краделе низ цела Европа

Објавено пред

Италијанската полиција разби група разбојници кои дејствувале во Европа и се обиделе да украдат злато од златарницата на плоштадот Свети Марко во Венеција во 2017 година.

Осомничените се уапсени во Австрија, Естонија и Финска и тие припаѓаат на естонска банда специјализирана за грабеж на луксузни европски продавници за накит, се наведува во соопштението на италијанската полиција.

Во март 2017 година, двајца членови на таа група активирале две димни бомби за да организираат напад на златарницата на плоштадот Свети Марко, додека другите двајца се обиделе да ја ограбат.

Благодарение на интервенцијата на турист кој бил предупреден од продавачка и кој повикал полиција, разбојниците биле принудени да бегаат.

Денешното соопштение за разбивањето на групата следеше по долгогодишна истрага во координација со Европол.

Според полицијата, таа група извршила две кражби во Бастија на Корзика во 2016 и 2017 година, во Инсбрук, Австрија во 2017 година, со вкупен плен проценет на еден милион евра. Меѓу уапсените е и осомничениот шеф на групата кој беше пронајден во Финска. Тој веќе е осуден за повеќе кражби и едно убиство, соопшти полицијата.

Прикажи повеќе...

Свет

Бајден: Напад врз една членка на НАТО е напад врз секого

Објавено пред

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се смета за напад врз сите, е „света обврска“.

„Членот 5 е света обврска. Сакам цела Европа да знае дека Соединетите Американски Држави се тука “, рече Бајден по пристигнувањето на самитот на Алијансата.

„Постојано ги потсетувам Американците дека НАТО се мобилизираше кога Америка беше нападната на нејзино тло за прв пат од почетокот на Втората светска војна. Сојузниците го почитуваа членот 5 “, рече Бајден, осврнувајќи се на сојузничката солидарност по терористичките напади на 11 септември 2001 година.

Тој ги повика членките да се соочат заедно со новите предизвици што ги поставуваат Русија и Кина.

„Во последните две години расте свеста дека имаме нови предизвици. Ја имаме Русија која не се однесува како што се надевавме. А тука е и Кина “, рече Бајден.

Неговиот претходник Доналд Трамп избегнуваше изрично да потврди дека САД го поддржуваат членот 5 од Северноатлантскиот договор, кој ја дефинира колективната одбрана на НАТО.

Во последната декларација денеска, водачите на НАТО за прв пат ќе ја именуваат Кина како „системски предизвик“, пренесуваат агенциите.

„Јавно изразените амбиции и наметливото однесување на Кина претставуваат системски предизвици за меѓународниот поредок заснован на правила и во области релевантни за безбедноста на сојузниците“, се вели во нацрт документот.

Прикажи повеќе...

Европа

Главоболка и течење на носот се главни симптоми на индискиот вид на коронавирус, покажува најново истражување

Објавено пред

Главоболки, болки во грлото и течење на носот се едни од најчесто пријавените симптоми на индискиот вид на коронавирус во Велика Британија, пишуваат британските медиуми.

Според истражувањето на професорот Тим ​​Спектор, симптомите од т.н индиски сој на коронавирус се разликуваат од оние предизвикани од претходните варијанти на Ковид-19, а сè повеќе пациенти тврдат дека не го изгубиле чувството за мирис и вкус и немале треска, но чувствувале симптоми на силна настинка како течење на носот, болки во грлото и главоболки.

Податоците биле собрани врз основа на истражување на примерок од илјадници испитаници кои ги пријавиле своите симптоми преку апликација.

“Немаме добри вести, гледаме експоненцијално зголемување на бројот на пациенти, особено во северо-западот на Англија и Шкотска. Повеќето од нив се млади луѓе на возраст од 20 до 29 години и малку постари од 40 до 49 години. Популацијата не е вакцинирана или е вакцинирана само еднаш, со што, се разбира, не се постигнува соодветен имунитет. Смртноста е малку пониска отколку кај британскиот вид, но треба да сме загрижени за т.н долга фаза од Ковид-19, така што Велика Британија дефинитивно има проблем “, рече професорот.

Токму овие неспецифични симптоми пациентите не ги припишуваат на Ковид-19 вирусот и продолжуваат со вообичаените животни и социјални навики, одат на работа и се забавуваат, мислејќи дека тоа е само сезонска настинка.

Професорот апелира на потребата од добивање втора доза на вакцина и останување дома кога ќе се забележат првите симптоми во однос на главоболка, воспаление на грлото и течење на носот.

90% од сегашните случаи во Велика Британија, наводно, се поврзани со делта варијантата на вирусот, или индискиот сој на коронавирус пренесуваат медиумите.

Прикажи повеќе...

Најново

Свет50 минути

Бајден: Напад врз една членка на НАТО е напад врз секого

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се...

Македонија2 часа

Започна Северноатлантскиот совет на НАТО

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинашниот Самит на...

Свет3 часа

Земјите од НАТО заеднички ќе се бранат и од напади во вселената

Проширувањето на членот 5 од договорот за основање на НАТО, кој денеска ќе биде продолжен, им овозможува на членките на...

Македонија3 часа

Четири нови случаи на Ковид-19, починал 66-годишен скопјанец

Министерството за здравство информира дека во последните 24 часа направени се 1.337 тестирања, а регистрирани се четири нови случаи на...

Европа4 часа

Во Германија најнизок број на новозаразени во последните 9 месеци

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица...

Економија5 часа

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15%...

Македонија6 часа

Груби и Мерко за рушењето на платформите во Струга: Зелената агенда е веќе во акција

Првиот вицепремиер и министер за политички систем, Артан Груби, заедно со министерот за информатичко општество и администрација, Јетон Шаќири, и...

Регион7 часа

Хрватска ги промовира ковид-автобусите

Министерот за здравство на Хрватска, Вили Берош, и директорот на Хрватскиот институт за јавно здравје, Крунослав Цапак, промовираа вакцинација со...

Македонија7 часа

Бројот на ковид-пациенти во македонските болници падна под 100

Вкупната бројка на пациенти позитивни и суспектни на коронавирусот што се лекуваат на инфективните оддели во главниот град и во...

Македонија9 часа

Кризниот штаб предлага да се укине полицискиот час, на свадба да може да има повеќе од 100 гости

Кризниот штаб ги прифати препораките на Комисијата за заразни болести, меѓу кои е и укинување на полицискиот час од среда,...

Свет9 часа

Кавалери од ЕМА реагира дека погрешно е цитиран: „Вакцината на ‘Астра зенека’ е добра за сите возрасти“

Марко Кавалери, шеф на работната група за коронавирус во Европската агенција за лекови, рече дека вакцината на „Астра зенека“ има...

Македонија9 часа

Македонија првпат на самит на НАТО како полноправна членка

Во Брисел денеска се одржува самит на НАТО на кој Македонија ќе го има своето прво учество како полноправна членка...

Спорт21 час

Ангеловски: Нема разочарување, имаме уште два натпревари!

Селекторот на фудбалската репрезентација на Македонија, Игор Ангеловски по натпреварот со Австрија изјави дека репрезентацијата не успеала да се соземе...

Спорт22 часа

Пандев: За нас ова е големо искуство, жал ми е за навивачите

Фудбалската репрезентација на Македонија безмалку 80 минути имаше нерешен резултат во дуелот со Австрија, но во последните минути Австријците со...

Спорт22 часа

Македонија со пораз од Австрија на стартот на ЕП

Замените на австрискиот селектор Фода – Грегорич и Арнаутовиќ беа кобни за македонскиот национален тим во првиот меч на едно...

Македонија1 ден

За првпат по 9 месеци, во Македонија нема починат од коронавирус

За прв пат по 2 септември 2020, во Македонија не е забележан ниту еден смртен случај од Ковид-19, во изминатото...

Европа1 ден

ЕМА: „Астразенека“ да не се дава на постари од 60 години

Европската агенција за лекови (ЕМА) објави дека треба да се избегнува вакцината „Астразенека“  за лица над 60 години, поради стравувања...

Топ1 ден

Полицаецот по кој се трагаше е пронајден починат во водите на Брегалница

Во возило во водите на Брегалница е пронајдено е телото на 51 годишниот полицаец Т.С. од Делчево, кој беше пријавен за...

Македонија1 ден

Османи: Ќе вложам напори во среда да бидам во Скопје за да се обратам пред Комисијата

Ќе ги вложам сите напори да ја прекинам тековната дипломатска офанзива за во среда на неколку часа да бидам во...

Спорт1 ден

Селекторот Ангеловски емотивен: Вие сте моите херои!

Пред денешното деби на Македонија на Европското првенство, на натпреварот во Букурешт против Австрија, селекторот Игор Ангеловски на Инстаграм сподели...

Досие