Авганистанските талибани објавија дека синхронизираните напади во неделата во неколку покраини и во главниот град Кабул, претставуваат почеток на нивната пролетна офанзива.

Во неделата во Кабул беа нападнати седум локации, меѓу кои и командата на НАТО, авганистанскиот парламент и неколку амбасади на странски земји, како и во покраините Пактија и Логар.

„Овие напади се почеток на пролетната офанзива којашто ја планираме со месеци“, изјавил за Reuters портпаролот на радикалното исламско движење Талибан, Забиулах Муџахид.

Тој додал дека во нападите коишто почнаа околу пладне, учествуваат „десетици талибански борци“, вооружени со лесно и тешко вооружување, а некои и со моќни експлозиви.

Од НАТО потврдија дека во Кабул се нападнати седум различни локации, но сé уште нема информации за евентуални жртви.

Вооружените судири со талибаните во неделата се водат и околу седиштето на локалната управа во Ул-е-Алем, главниот град на покраината Когар и во Гардез, главниот град на покраината Пактија.

Во Кабул во неделата со ракети беа нападнати зградата на авганистанскиот парламент, и добро обезбедуваната дипломатска градска четврт.

Штабот на НАТО, „Кемп Вејрхаус“, во предградието тна Кабул заедно го бранат од нападот на талибаните труски и грчки војници, пренесува BBC.

Покрај парламентот на Авганистан во западниот дел од главниот град Кабул нападнати се добро обезбедениот дипломатски кварт во центарот на градот, пренесуваат агенциите повикувајќи се на очевидци.

Истрелите се слушале од разни правци, а од неколку локации во Кабул се издигнуваат столбови од чад, пренесува Reuters. Очевидци за агенцијата велат дека низ градот се слушаат алармните уреди во странските амбасади, а пукотници имало во близината на амбасадите на САД и на Велика Британија.

Портпаролот на авганистанскиот парламент изјави дека биле нападнати и зградата на парламентот и руската амбасада. Меѓутоа, од руската амбасада ниту потврдиле ниту ја демантирале оваа информација, велејќи само дека ситуацијата е „нормална“ и оти се „преземаат сите потребни безбедносни мерки“, пренесува РИА Новости.

Талибаните ја преземаа одговорноста за овие напади во Каубул, пренесува американската телевизиска мрежа CNN, а во нивното соопштение испратено до агенциите се вели дека истовремено вршат напади и во покраините Пактија и Логар.

Според Reuters кој се повикува на неименувани претставници на НАТО, биле нападнати седум различни локации во Кабул.

„Авганистанските безбедносни сили (ANSF) и меѓународните сили за помош во Авганистан (ИСАФ) одговорија соодветно“, соопшти портпаролот на мисијата ИСАФ преку својот профил на микроблогот Твитер.

Американската администрација соопшти дека целиот персонал во амбасадата на САД во Кабул е на безбедно место, и меѓу нив нема повредени.

Во септември 2011 година беше изведе сличен напад во Кабул, кога талибаните заземаа неколку згради во изградба во центарот на градот ги користеа за ракетни напади и митролески оган./крај/мф/сн