Свет
Почна судењето на екс-претседателскиот кандидат на американските демократи Едвардс
Судењето на поранешниот кандидат за демократската номинација на претседателските избори во 2004 и 2008 година, Џон Едвардс, кривично гонет поради користење средства од кампањата за љубовницата, почна во понеделникот пред сојузниот суд во државата Северна Каролина.
Педесет иосум-годишниот Џон Едвардс кој во 2004 година беше номиниран за потпретседател на демократскиот кандидат за претседател на САД Џон Кери, кривично е гонет по шест точки од обвинението меѓу кои и за заговор поради кршење на законот за финансирање на кампањата, малверзации и лажни изјави со цел средствата од кампањата да ги користи за забошотување на љубовната врска.
Обвиненијата се однесуваат на сума од речиси милион долари кои доаѓаат од два богати донатора коишто Едвард ги користел за сместување на неговата љубовница Риел Хантер, членка на неговиот изборен штаб со којашто доби дете.
Парите доаѓале од богатиот тексашки адвокат Фред Барон, кој почина во 2008 година, и Рејчел Мелон, денес 101-годишна, вдовица на банкарот Пол Мелон.
Аферата започна во голем дел со сведочењето на Ендрју Јанг, блискиот соработник на Џон Едвардс во тоа време, кој во прво време тврдеше дека е татко на детето за да може Едвардс да ја продолжи својата кампања во 2008 година во рамките на демократската партија против тогашниот кандидатски двоец за претседател Барак Обама и Хилари Клинтон.
Како сведок Јанг зборувал за своето восхитување од надоаѓајќи ѕвезда на демократската партија, опишувајќи го истовремено движењето на парите.
Јанг раскажал како Рајчел Мелон во Џон Едвардс видела духовен наследник на Џон Фицџералд Кенеди. „Мислеше дека може да ја спаси Америка. Праша: Како можам да помогнам?“, опишал Јанг.
Адвокатите на некогашниот кандидат за претседателска номинација тврдат дека донациите коишто нивниот клиент ги примал биле подароци од лична природа од богати пријатели за да се сокрие неговата вонбрачна врска, како и дека немале никаква врска со претседателската кампања.
Џон Едвардс кој мораше да ја напушти политиката откако беше откриена неговата авантура, тврди дека не го кршел законот и изјавил дека не се чувствува виновен./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.