Свет
Американскиот министер за трговија предизвика сообраќајки, и избега
Американскиот министер за трговија Џон Брајсон се наоѓа под истрага поради неколку сообраќајни несреќи што ги предизвикал во саботата во јужна Калифорнија и напуштањето на местото од несреќите.
Ова во понеделникот го јави Reuters, повикувајќи се на соопштение на полицијата во местото Сан Габриел, од каде додаваат дека несреќите најверојатно ги предизвикал токму министерот за трговија Џон Брајсон.
Првите резултати од истрагата покажале дека министерот во Сан Габриел предизвикал сообраќајна несреќа забивајќи се со својот автомобил „лексус“ во еден „бјуик“, а потоа уште еднаш удрил кога бегал од местото на инцидентот. Пет минути подоцна, во блиското место Розмид удрил во автомобил „хонда акорд“.
Двајца од тројцата патници во „бјуикот“ добиле помали повреди. Според полицискиот извештај, министерот излегол од автомобилот и се обиделе да го реши инцидентот на лице место. Брајсон разговарал со патниците во „бјуикот“, но потоа си заминал од местото на несреќата, повторно удирајќи во истиот автомобил. Возачот на „бјуикот“ го следел Брајсон, пријавувајќи го инцидентот на службата за итни случаи. Тој сепак не можел да го стаса министеровиот „лексус“.
Полицијата го нашла подоцна министерот онесвестен зад управувачот на својот автомобил на местото од втората несреќа. Болничарите на лице место му пружиле прва помош, а потоа бил примен во најблиската болница поради полесни повреди. Возачите и совозачите во другите автомобили не претрпеле, исто така, посериозни повреди.
Засега, според тврдењето на поручникот на калифорниската полиција Ариел Дјуран, нема показатели дека министерот Брајсон бил под влијание на дроги или алкохол.
„Министерот за време на викендот учествувал во сообраќајна несреќа во Лос Анџелес. Тој доживеал напад. Беше однесен во болница на преглед и ја мина ноќта под медицински надзор. Потоа беше отпуштен и се врати во Вашингтон. Истрагата продолжува“, ја цитира CNN изјавата на портпаролката на американското министерство за трговија, Џенифер Фридман.
Телевизијата CNN, цитирајќи анонимен претставник на министерството за трговија, соопшти дела Белата куќа била информирана за она што се случило со Брајсон.
Министерот може да биде кривично гонет за непочитување на сообраќајните прописи и напуштање на местото на несреќата, соопштиле од калифорниската полиција.
Брајсон стапи на должноста министер за трговија во администрацијата на американскиот претседател Барак Обама во октомври 2011 година, а во информациите за неговиот животопис објавени на интернет страницата на министерството е опишан како еден од главните луѓе на економскиот тим на претседателот.
Тој на оваа позиција дојде на местото од поранешниот министер Гери Лок, кој замина да ја извршува функцијата американски амбасадор во Кина. Пред тоа, Брајсон беше претседател на бордот на директори на енергетската компанија „Edison Intenational“, а исто така беше еден од основачите на Советот за заштита на природните ресурси и член на групата советници во Обединетите нации за прашања од енергијата и климатските промени./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Русија и Украина со жестоки меѓусебни напади изминатата вечер
Најмалку едно лице загина, а тројца беа повредени кога пожар зафати станбена зграда по рускиот напад со беспилотно летало врз Одеса синоќа.
– Непријателот изврши масовен напад врз Одеса со беспилотни летала. И покрај активната работа на нашите сили за воздушна одбрана, имаше штета на цивилната инфраструктура – изјави гувернерот на областа, Олех Кипер.
2⃣9⃣5⃣🏘️19.7.25 Odesapic.twitter.com/tEMdvZ4L52
— Hilado de MelóNafo 🇪🇸🇪🇺🇺🇦 (@hiladomelonafo) July 19, 2025
Државната служба за вонредни состојби објави дека како резултат на нападот, избувнал пожар од шестиот до деветтиот кат од деветкатната станбена зграда. Пожарот бил изгаснат од пожарникари заедно со волонтери.
Привремено сместување и помош беа обезбедени во локалната градинка, каде што беше формиран оперативниот штаб, изјави градоначалникот на Одеса, Хенадиј Труханов.
They drank tea, kissed goodnight, tucked the kids in.
Someone burned alive that night.This time it was an Odesa apartment — just a home.
This is our everyday life now.
While the world plans weekends, we count who won’t wake up tomorrow. pic.twitter.com/xHVBf6NeGq
— UAVoyager🇺🇦 (@NAFOvoyager) July 19, 2025
Од друга страна, украински беспилотни летала повторно ја нападнаа Москва. Градоначалникот Сергеј Собјанин, објави дека руските единици за воздушна одбрана пресретнале 13 дронови што летале кон Москва за помалку од два часа. Нема извештаи за жртви или материјална штета.
🦅💥 Massive attack on Moscow region at night! pic.twitter.com/2ePzW5qKRE
— MAKS 25 🇺🇦👀 (@Maks_NAFO_FELLA) July 19, 2025
Повеќе од 50 возови се одложени, а железничкиот сообраќај е делумно запрен во Ростовскиот регион откако остатоци од беспилотно летало паднаа на пругата, соопштија Руските железници.
На патниците им е обезбедена вода, а во возовите што доцнат повеќе од четири часа, се обезбедуваат и оброци.
Во меѓувреме, инфраструктурата е проверена, а екипите почнаа со поправка на оштетената мрежа.
Свет
Полска забрани пушење на сите видови цигари на работно место
Од 5 јули годинава, Полска воведе целосна забрана за пушење на работното место, вклучително и електронски цигари – дури и оние без никотин.
Прекршувањето на оваа забрана се казнува со 500 злоти (околу 7 илјади денари), а на вработените им се заканува дисциплинска мерка, па дури и отказ. Пушењето е дозволено само во посебно означена и затворена просторија, доколку работодавачот самиот одлучи да ја обезбеди.
Новите прописи воведуваат дополнителни забрани: продажбата на електронски цигари и производи што содржат никотин на лица под 18 години сега е забранета. Рекламирањето на овие производи е исто така забрането, а од јануари 2026 година е забранета и нивната продажба преку интернет. Електронските цигари без никотин ќе мора да бидат означени како штетни, додека количината на никотин во производите ќе биде ограничена на 20 mg/g.
Со ова, Полска се приклучува кон редот на земји кои строго ја регулираат употребата на сите форми на тутун и електронски цигари, без оглед на содржината на никотин, не само на јавни места, туку и во работната средина.
Свет
Мајка го фрлила новороденчето во полскиот тоалет во Романија
Жена во Романија го убила своето новородено дете на грозоморен начин, пренесуваат медиумите во регионот.
Според официјалното соопштение на Обвинителството при Окружниот суд, на 30 јуни 2025 година, во нејзиното домаќинство, жената родила без помош здраво девојче, тешко 3.440 грама, со јасни знаци на активно дишење.
Наместо да повика брза помош или да ги извести властите, мајката го фрлила бебето живо во полскиот тоалет во дворот на нејзината куќа.
Прелиминарниот извештај на Институтот за судска медицина во Бузау покажува дека причина за смртта е механичка асфиксија, односно задушување, предизвикано од присуство на фекална материја во респираторниот тракт, хранопроводот и желудникот.
Овие наоди потврдуваат дека новороденчето било живо во моментот кога било фрлено и дека починало во ужасни маки, вдишувајќи и голтајќи ја содржината од септичката јама, според написите.
Врз основа на овие докази, на 17 јули 2025 година, надлежниот обвинител покренал кривична постапка против жената, по обвинение за убиство на член на семејството, кривично дело кое романскиот Кривичен законик го квалификува како едно од најсериозните и предвидува затворска казна до 20 години.
Истиот ден, обвинителството поднесе предлог за 30-дневен притвор, кој судот го одобри. Жената е приведена, а истрагата продолжува.
(Видео) Шукова е кандидат на СДСМ за градоначалник на Скопје, објави Филипче
Претседателот на Социјалдемократскиот сојуз на Македонија, Венко Филипче, на денешната прес-конференција ја соопшти одлуката на Извршниот одбор на партијата, која...
МЗ: Нормализирано водоснабдувањето во Клиниката за белодробни заболувања „Козле“
Министерството за здравство информира дека водоснабдувањето во Универзитетската клиника за белодробни заболувања кај децата – Козле е целосно нормализирано. Од...
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево
Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје,...
Предметот за пожарот во “Пулс” префрлен во надлежност на ОЈО Скопје
Јавното обвинителство на Република Северна Македонија донесе Решение со кое го определи Основното јавно обвинителство Скопје за стварно и месно...
Зголемени температури во следните неколку дена – да се почитуваат општите препораки за заштита на здравјето
Министерството за здравство ја информира јавноста дека, во согласност со најновата прогноза од Управата за хидрометеоролошки работи (УХМР), во периодот...
Обвинето едно лице за насилство врз градоначалничката на Скопје
По целосно испитување на настанот, Основното јавно обвинителство Скопје поднесе обвинителен предлог против едно лице за кривично дело насилство од...
Мицкоски понудил заедничка резолуција со Бугарија за потврда на самобитноста на македонскиот јазик и идентитетот
Со оглед на тоа што Бугарија тврди дека проблемот за почнувањето на преговорите со ЕУ се само Бугарите во Уставот,...
Болницата „Козле“ сѐ уште без вода – пациентите привремено згрижени на други клиники
Поради прекинот во водоснабдувањето на Универзитетската клиника за белодробни заболувања кај децата „Козле“, пациентите што имаат потреба од хоспитализација привремено...
Сообраќајна несреќа на влезот во Скопје, сообраќајот се пренасочува
Денеска во 10.35 часот во СВР Скопје е пријавено дека на автопатот Куманово – Скопје, во близина на хотелот Белви,...
33 пожари низ Македонија – еден сѐ уште активен, a четири ставени под контрола
Според последните податоци на Центарот за управување со кризи, до утрово во земјата регистрирани се вкупно 33 пожари на отворен...
Со украдена пушка пукал кон деца и се обидел да застрела полицајци – во Василево уапсен 29-годишник
Битолската полиција поднесе кривична пријава против 29-годишниот Г.П. од селото Ангелци, општина Василево, кој се сомничи за две кривични дела...
Светската рекордерка во маратон суспендирана поради допинг
Кениската атлетичарка Рут Чепнгетич, светска рекордерка во женскиот маратон, е привремено суспендирана поради позитивен допинг тест, соопшти Единицата за интегритет...
Граната извадена од езерото кај Пештани
Граната била извадена пред два дена од водите на Охридското Езеро, на плажа во Пештани. Полицијата од Охрид утроово соопшти...
„Волстрит џурнал“: Трамп со цртеж од гола жена и порака за „прекрасна тајна“ му го честитал роденденот на Епштајн
„Волстрит џурнал“ денес објави дека името на Доналд Трамп се појавило на лична порака до Џефри Епштајн од 2003 година,...
(Видео) Пожар го зафати покривот на црквата кај селото Мршевци, вели Ангелов
Денес попладне во близина на скопското село Мршевци, Општина Илинден изби силен пожар, кој поради ветерот брзо се прошири на...
„Лажни тврдења и политички инсинуации“, вели Тошковски откако опозицијата оцени дека сака да ја партизира полицијата
Министерот за внатрешни работи Панче Тошковски преку својот Фејсбук профил ги демантираше тврдењата на опозицијата во врска со предложените измени...
Едно починато лице при пожар во стан во Струмица
Денес, (17.07.2025 година), во 15.27 часот, ТППЕ Струмица со три ПП возила и седум пожарникари-спасители учествуваше во гаснење на запален...
Гори помеѓу индустриската зона „Бунарџик“ и рафинеријата „Окта“: силниот ветер и искри од жици предизвикаа пожари на повеќе локации во Скопје и Куманово
Поради ветер кој го зафати подрaчјето на Општина Куманово и Град Скопје на повеќе локации од искрење на жици предизвикни...
Напредок во преговорите за пругата која се гради еден и пол век: тунелот да биде заеднички проект со Бугарија, а да го плати ЕУ
Вчерашната средба во Брисел за пругата кон Бугарија која се гради повеќе од еден и пол век, премиерот Христијан Мицкоски...
Уапсен еден од убијците на припадникот на АРМ во Батинци, обвинителството поведе истрага за двајца соизвршители
Основното јавно обвинителство Скопје денеска поведе истрага против две лица за кои постои основано сомнение дека како соизвршители сториле кривично...
