Свет
Сирија:Турскиот авион јасно го наруши сирискиот суверенитет
Сириската противвоздушна одбрана мораше да реагира откако турскиот воен авион кој леташе на височина од сто метри а се наоѓаше во сирискиот воздушен простор јасно кршејќи го суверенитетот на земјата, рече во понеделникот портпаролот на владата Џихад Макдиси.
„Сирија реагираше на нарушувањето. Ние веднаш моравме да реагираме, дури авионот да беше и сириски ќе го урневме’, изјави портпаролот на сириската влада Џихад Макдеси на прес-конференција во главниот град Дамаск, пренесува државната агенција SANA.
Макдеси дополни дека леталото од типот американски борбени авиони „ RF-4E Phantom“ на турските воздухопловни сили, е соборен со оган отворен од противвоздушните топови а не со радарски насочувана ракета. И покрај инцидентот, Сирија останува доследна на одржувањето „соседски односи“ со Труција, додал Макдеси.
Сирија уште во петокот објави дека нејзината противвоздушна одбрана го соборила турскиот воен авион над нејзините територијални води откако тој навлегол во нејзиниот воздушен простор. Агенцијата SANA веднаш објави мапа со трасата на летот, според која авионот го нарушил сирискиот воздушен простор, направил круг, но и бил соборен во близина на сирискиот брег. Меѓутоа, турскиот министер за надворешни работи, Ахмет Давутоглу рече дека авионот бил соборен во меѓународниот воздушен простор, а дека делови од леталото паднале во територијалните води на Сирија. Давутоглу рече дека авионот бил во тренажна мисија за проверка на радарскиот систем на неговата земја, и дека неговата мисија не била насочена против Сирија, како и дека авионот не бил вооружен, Сирија била однапред запознаена со летот, а сириската страна не го предупредила екипажот за планираните активности, како што бара меѓународното право.
Директорот на рускиот Центар за анализа на глобалната трговија со оружје (Русија е главниот снабдувач со оружје на Сирија и досега со поддршка на Кина двапати блокираше носење резолуција во Советот за безбедност на ОН со која ќе биде осуден само режимот на претседателот Башар ал-Асад – з.р.), Игор Коротченко истакна дека сирискиот систем за воздушна одбрана е многу ефикасен. Тој потенцира дека сириските воени власти донеле одлука за отворање оган, квалификувајќи ја целта која била во нивниот воздушен простор, како непријателска. Коротченко не ја отфрли варијантата дека авионот извршувал извидувачка мисија, чија цел била да се тестира всушност сирискиот противавионски ракетен систем, брзината на реагирање на радарскиот систем, а можно и да била тестирана брзината на реакцијата на сирискиот систем со која тој ќе биде ставен во борбен режим, пренесува РИА Новости.
Друг руски воен експерт, директор на наменскиот интернет ресурс Вестник ПВО, Саид Аминов, исто така, смета дека судејќи според карактерот на летот на авионот „RF-4E“, со голема веројатност тој имал задача да го тестира сирискиот систем за воздушна одбрана, со цел да ги „открие“ неговите главни елементи. Аминов истакнува дека авионот бил на ниска надморска височина, а слична техника на летањето е клучниот елемент за избегнување на кој и да е систем за воздушна одбрана.
Според Аминов, овој инцидент сепак ја покажал ефикасноста на сириската противвоздушна одбрана, која е базирана на ракетни системи со среден дострел од руско производство -„Buk-M2E“, „Pechora-2M“ и ракетниот систем „Pancir-S1“. Покрај тоа, сириската воздушната одбрана поседува две дивизии од против-авионски ракетен систем со долг дострел ( од 240 километри) S-200VE од советски производство.
Кортченко, пак, потсетува дека Турција е членка на НАТО, каде што постои размена на разузнавачки информации со другите членки на алијансата, и спроведуваат активно собирање електронски и радио разузнавачки информации за Сирија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.