Шефот на италијанската дипломатија Џулио Терци се спротистави на примена на либиското сценарио за Сирија, верувајќи дека режимот на Башар ал-Асад ја губи поддршката, како во земјата, така и на меѓународно ниво.

„Либиската операција мораше да биде преземена, за да се спречи геноцидот … Сепак, имајте предвид дека либиската интервенција во никој случај не е модел за повторување“, рече италијанскиот министер за надворешни работи, Џулио Терци во интервјуто за италијанскиот дневен весник Panоrаma објавено во четвртокот.

Терзи вели дека се одбројуваат деновите на опстојувањето на власта на режимот на сирискиот претседател Башар ал-Асад.

„Асад сега ја губи позицијата дури и меѓу неговите приврзаници во Сирија, кои осознаваат дека тој им нанесува штета“, вели шефот на италијанската дипломатија. Според Терци, сирискиот лидер продолжува да ја спроведува политиката на ескалација на насилството во неговата земји и „сега се обидува да ја пренесе дестабилизација надвор од нејзините граници“.

Терци, исто така, истакнува дека ставовите кон режимот на Асад јасно се променити во последната година во меѓународни рамки, особено по инцидентот со турскиот воен авион кој беше соборен од сирискиот систем за воздушна одбрана. Министерот, особено, се повикува на своите неодамнешни средби во Либан, на кои му било кажано дека „Асад дошол до точката од која нема враќање“.

„Верувам дека меѓународната осуда за уривањето на турскиот борбен авион даде многу важен сигнал. Сега дури и руската страна се предомисли во поглед на поддршката на режимот. Кога Москва и официјално ќе истапи против Асад, мислам, и опозицијата од страна на Кина ќе престане“, вели Терци.

Министрите за надворешни работи на петте постојани членки на Советот за безбедност, САД, Русија, Кина, Велика Британија и Франција, на земјите од Блискиот исток, Турција, и на другите светски меѓународни организации, во Женева на 30-ти јуни се договорија за принципите за решавање на ситуацијата во Сирија. Тие вклучуваат формирање преодна влада во земјата, со учество на сите партии и целосна извршна власт, според новиот план на специјалниот пратеник на ОН и на Арапската лига за Сирија, поранешниот челник на светската огранизација, Кофи Анан.

Претходно, рускиот министер за надворешни работи, Сергеј Лавров рече дека барањата на Западот за повлекување од власта на сирискиот претседател Башар ал-Асад се бесмислени, бидејќи шемата според којашто претседателот Асад мора да си замине пред преземање каков и да е чекор во смисла на ставање крај на насилството и започнувањето на политичкиот процес, е нефункционална.

Тезата за неопходноста од некои личности да бидат исклучени од мировниот процес, која првично беше предложена во завршниот документ на средбата во Женева, беше повлечена по барање на руската страна. Москва, исто така, повеќепати изјави дека нема да го дозволи повторувањето на ткн либиско сценарио за Сирија, заземајќи го цврстиот став дека Сиријците мора самите да одлучуваат за судбината на својата земја, без надворешно мешање, и во рамките на широк политички дијалог.

Во интервјуто за Panorama, министерот за надворешни работи на Италија, Терци се спротивстави на операцијата за снабдување со оружје на сириската опозиција. „Италија никогаш нема да ги и не ги поддржува исламистичките групи присутни во Сирија, ниту ќе ја вооружува опозицијата“, истакнува Терци.

Шефот на италијанската дипломатија за весникот не ги коментираше тврдењата на The New York Times, според кои Вашингтон преку Централната разузнавачка агенцијa CIA презел чекори за вооружување на бунтовниците во Сирија. „Ги читав тие написи, но немам добиено непосредна потврда за тоа“, вели Терци./крај/мф/сн