Свет
Бројот на жртвите во Ингушетија и Дагестан се зголемува
Бројот на жртвите од терористичките напади во севернокавкаските руски републики Дагестан и Ингушетија расте, известуваат агенциите, а повредените поради тежината на раните не можат да се транспортираат до подобрите клиники во Мисква.
Во дагестанскиот град Хасавјурт ноќта кон неделата двајца маскирани напаѓачи отворија оган врз верниците коишто ја посетувале локалната шиитска џамија, а подоцна во храмот беа откриени две експлозивни направи од кои едната самостојно експлодира а другата беше неутрализирана од федералните специјални единици.
Од осумтемина коишто беа повредени во нападот во Хасавјурт, едно лице починало а уште енеколу се неколку се наоѓаат во тешка ситуација.
Републичкото министерство за внатрешни работи на соседната Ингушетија во неделата попладне соопшти дека починала уште една жртва од нападот што го извршил бомбаш самоубиец во неделата наутро на погреб на полицаец кој бил убиен во саботата од непознати напаѓачи, исто така, во терористички напад. Така бројот на загинатите во ингушетскиот град Малгобек се искачи на осум убиени и 15 ранети. Сите жртви, според РИА Новости, освен бомбашот самоубиец, биле полицајци.
Се претпоставува дека убиството на полицаецот во саботата било испланирана акција за изведување на нападот во неделата на неговиот погреб.
Засега никој не ја презема одговорност за нападот, но сомневањата паѓаат на исламистичките екстремисти коишто дејствуваат во Ингушетија и соседните републики Чеченија и Дагестан, во источниот дел од Северен Кавкас, каде што повеќето муслиманско население се сунити а нападите најчесто ги изведуваат припадниците на радикалната исламска вехабитска заедница./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.