Свет
САД ќе се вмешаат во сирискиот конфликт ако биде употребено хемиско оружје
Американскиот претседател Барак Обама во понеделникот во неговото прецизно предупредување за режимот на сирискиот претседател Башар ал-Асад истакна дека разместувањето или употребата на хемиското оружје ќе претставува „црвена линија’ за САД со „огромни последици“.
„Досега не дадов налог за воена интервенција во Сирија. Тоа ќе се промени, доколку забележиме преместување или употеба на хемиско оружје“, нагласи американскиот претседател Барак Обама на, како што нагласуваат агенциите, неочекуваната прес-конференција во Белата куќа.
Прашањето за овој вид оружје за што Дамаск официјално потврди дека го поседува „не се однесува само на Сирија, туку и на нашите блиски сојузници, меѓу коишто е и Израел. Тоа нѐ загрижува. Не можеме да дозволиме хемиското или биолошкото оружје да дојде во рацете на лоши луѓе“, дополни американскиот претседател Обама.
Додаде дека биле многу јасни кон режимот на сирискиот претседател Башар ал-Асад, но и со другите сили на теренот.
„Внимателно ја следиме ситуацијата, подготвивме низа планови и јасно им дадовме до знаење на сите сили во регионот дека за нас станува збор за ‘црвена линија’, како и дека ќе има големи последици“, повтори Обама.
Сега поранешниот министер за надворешни рабти Џихад Макдиси на 23-ти јули на прес-конференција во Дамаск, потврдувајќи го поседувањето на хемиското оружје, изјави дека неговата земја може да го употреби овој вид оружје во случај на странска воена интервенција во земјата, истакнувајќе дека Сирија никогаш нема да го употреби хемиското оружје што ѝ е на располагање против цивили. Макдаси тогаш тврдеше дека хемиското оружје е под строга контрола и добро обезбедувано од сириската армија.
Претходно во јули Пентагон и американскиот Стејт Департмент го предупредија сирискиот претседател Асад да не помислува на употреба на хемиското оружје.
За употребата на хемиското оружје што го поседува Сирија, Дамаск беше предупреден и од генералниот секретар на Обединетите нации, Бан Ки-Мун кон крајот на јули, како и од Русија, инаку една од ретките меѓународни сириски партнери по избувнувањето на конфликот во март 2011 година, којашто по повод изјавата на министерот Мокдаси ја потсети Сирија дека го има ратификувано Женевскиот протокол за забрана за употреба за хемиското оружје од 1925 година.
Министерството за одбрана на САД на 25-ти јули соопшти дека сириските власти го засилиле обезбедувањето на објектите во коишто е складирано хемиското оружје, а истовремено и израелски воини извори соопштија дека сириската армија и безбедносните служби го засилиле обезбедувањето на арсеналите, кога претставниците на сириската опозиција тврдеа дека хемиското оружје се премесува кон граничните области на земјата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.