Свет
Француската војска продолжува со напади врз бунтовниците во Мали
Трет ден по ред француските воени авиони ги бомбардираат исламските бунтовници во Мали, додека во главниот град Бамако пристигнуваат дополнителни француски војници кои ќе ги сочекаат силите на Западноафриканската унија јaвува во неделата Reuters
Францускиот министер за одбрана Жан-Ив Ле-Дриан изјави дека драматичната интервенција на француските сили спречи исламските бунтовници, за кои се постојат навестувања дека се поврзани со глобалната терористичка мрежа Ал Каеда, да го заземат Бамако. Ле-Дриан во неделата појасни дека француските борбени летала без престан ги бомбардираат бунтовниците коишто од април минатата година заземаа голема пустинска област во северниот дел од Мали.
Во моментот во Бамако се распоредени 550 француски војници.
Цели на бомбардирањата се бунтовничките позиции во градовите Гао, Ле и Дуенца.
Западните земји стравуваат дека исламистите може да го користат Мали како база за напади врз нивните интереси, формирајќи ја линијата на поврзување со приврзаниците на Ал Каеда во Јемен, Сомалија и северна Африка.
Францускиот претседател Франсоа Оланд во саботата изјави дека Франција ќе ја продолжи воената мисија во Мали за да го подготви теренот за претстојната интервенција на африканските сили којашто има мандат од Обединетите нации, Европската унија и Африканската унија.
По повикот на Франција до африканските земји што побрзо да испратат свои војски, претседателот на Брегот на слоновата коска, Аласане Оуатарра, воедно и претседавач со регионалниот блок ECOWAS, оперативно покрена операција за испраќање 3.300 африкански војници.
Се најавува дека со мултинационалните сили ќе командува нигерискиот генерал Шеху Абдулкадир, а покрај Нигерија, којашто ќе даде најмногу војници, во операцијата по 500 припадници на своите воени сили испраќаат и Буркина Фасо, Нигер и Сенегал./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.