Свет
Експертите тврдат дека Мемети отишол предалеку

Иџет Мемети нема ниту законско ниту морално право да иницира постапка до Републичкиот судски совет за разрешување судии.
По иницијативата на народниот правобранител поднесена до Републичкиот судски совет
Омбудсманот немал право да предлага разрешување судии
Иџет Мемети нема ниту законско ниту морално право да иницира постапка до Републичкиот судски совет за разрешување судии. Проширувајќи ги своите овластувања, народниот правобранител се ставил над институциите во системот. Со иницијативата до Републичкиот судски совет за разрешување делители на правда ‘поради несовесно и нестручно работење и отсуство на етички однос во случаи што одложиле поради лични интереси’, Мемети ја урива независноста на судската властти, тврди Ана Павловска-Данева, доцент по управно право, која магистрирала на тема омбудсман. Таа е категорична дека обраќање до РСС не се случило ниту во Шведска и во Норвешка, единствените земји во Европа каде што, како и во Македонија, омбудсманот има право да го контролира текот на судската постапка.
Како што е познато, народниот правобранител ги прозва штипските судии Павел Василев, Ленче Манева и Добре Илиевски, барајќи од Републичкиот судски совет разрешување од функциите. Според Мемети, кој доставил информација до РСС, по претходно поднесени претставки од граѓани, тие ги повредиле човековите права во судските процеси во однос на судењето во разумен рок. †Судијата бил задолжен со предмет на 10 мај 2000 година сў до 26 април 2005 година, кога по претставка на граѓанин извршивме увид и по наша интервенција предметот му беше одземен и даден на друг судија.
Граѓанинот го оствари своето правоои, изјави Мемети на прес-конференција.
Според експертите, Законот за народен правобранител не предвидува давање препораки и мислења по завршување на судската постапка. †Сў завршува со интервенцијата на омбудсманотти, вели доцент Павловска-Данева, која потенцира дека Мемети го прекршил и моралниот принцип, затоа што до вчера бил министер за правда и имал отворен простор да прозива судии. Зошто не иницирал вакви постапки од позиција на министер, прашуваат правните експерти. За нив, исто така, спорна е пораката на народниот правобранител дека и во иднина ќе ги посочува сите случаи на несовесно работење на судиите и на државните службеници кои ќе ја попречуваат нивната работа. Имено, Мемети јавно порача дека ќе ги објавува имињата на судиите кои несовесно, нестручно и неетички ја вршеле функцијата.
Уште почудно е тоа што народниот правобранител најавува дека на ист начин ќе се пресметува и со несовесните министри. Првите луѓе на извршната власт не се под јурисдикција на омбудсманот, туку за нив се одговорни премиерот кој ги предложил и Собранието што ги избира, објаснуваат стручњаците.
(К.Ч.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.
Свет
Фицо: Не повикувам на укинување на демократијата, но ЕУ треба да размисли за промена на системот

За време на вчерашната посета на Узбекистан, словачкиот премиер Роберт Фицо посочи дека авторитарните држави можат да бидат економски поефикасни од демократиите и повика на преиспитување на европскиот демократски модел.
Фицо рече дека Европа треба да размисли за реформирање на својот систем на управување базиран на слободни избори за да остане глобално конкурентна. Тој ги пофали земјите како Узбекистан, Кина и Виетнам за нивната способност да дејствуваат порешително по економските прашања.
Кога новинарите го прашаа, Фицо појасни дека не повикува на крај на демократијата, но тврдеше дека вклучувањето премногу политички партии во донесувањето одлуки ја ослабува способноста на државата да дејствува.
„Ако имате сто политички партии, не можете да се натпреварувате“, рече тој.
„Ако владата се состои од четири политички субјекти, не можете да се натпреварувате“, додаде тој.
Фицо, кој се врати на власт во 2023 година за да го преземе својот четврти мандат, се соочи со масовни протести во последните месеци, а критичарите го обвинуваат за авторитарни аспирации и водење проруска надворешна политика.
Свет
Орбан: Дипломатите мора да ја преземат контролата од генералите, оваа војна не може да се добие

Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба да ја преземат контролата од генералите“. На состанокот на парламентарната група „Патриоти за Европа“ во Европскиот парламент, рече дека политичарите кои се залагаат за војна сакаат луѓето да веруваат дека војната мора да продолжи, објави унгарската агенција МТИ.
„Ве уверувам дека оваа војна не може да се добие, нема решение на бојното поле, само мртви, страдање и уништување“, истакна тој. Унгарскиот премиер, исто така, рече дека неговата земја е „црна овца“ на Европската Унија и кошмар за Брисел, додека претставува надеж за европските патриоти.
„Не сакаме Брисел да воведе воена економија под изговор на војна, не сакаме да зема огромни кредити, да ги федерализира парите на земјите-членки и да ги вовлекува нашите земји во трка во вооружување. Ве молам да ги запрете“, им рече Орбан на учесниците на состанокот.
Според него, Брисел ѝ се заканува и ја уценува Унгарија со финансиски санкции затоа што не ги пушта мигрантите во земјата, но Будимпешта попрво ќе им плати отколку да им дозволи на мигрантите да ја уништат безбедноста на унгарските градови и улици. „Се бориме за нашите семејства и татковина, дури и ако треба да се соочиме со целата бирократија на Брисел“, заклучи унгарскиот премиер, пренесува Танјуг.