Свет
Митревски удри бремена жена
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-7811.jpeg)
Градоначалникот Митревски смета дека откако се случил овој немил настан тој ги испочитувал сите човечки и законски постапки.
СООБРАЌАЈНА НЕСРЕЌА НА ГРАДОНАЧАЛНИКОТ НА ОПШТИНА ЃОРЧЕ ПЕТРОВ
Градоначалникот Митревски смета дека откако се случил овој немил настан тој ги испочитувал сите човечки и законски постапки.
Градоначалникот на Општина Ѓорче Петров Сокол Митревски во саботата попладне на улицата 100 во село Волково со својот автомобил "фиат уно" ја удрил 26 годишната К.М. Градоначалникот по несреќата веднаш го напуштил местото. Од МВР велат дека во моментот кога нивни екипи дошле да направат увид на настанот, градоначалникот Митревски не бил на местото на несреќата. Екипите од МВР извршиле увид на местото и во мометов работат на целосно расфетлување на случајот, по што ќе се знае дали против градоначалникот Митревски ќе биде покрената пријава.
26 годишната К.М. била бремена и во моментот на несреќата во детска количка го шетала свото дете. Од ударот на автомобилот таа се здобила со телесни повреди, и веднаш била однесена во болница. По ивршениот лекарски преглед биле утврдени лесни телесни повреди, и не бил загрозен животот на бебето.
Градоначалникот Сокол Митревски вчера ни ја потрди сообраќајната несреќа. Тој смета дека откако се случил овој немил настан тој ги испочитувал сите човечки и законски постапки.
" Како и сите граѓани и јас како градоначалник учесник во сообраќајот не сум имун на настанување на незгоди и не би сакал овој настан да добие политички димензии. Не знам како се случи овој немил настан. Јас ја одминав госпоѓата и изгледа со ретровизорот сум ја поткачил. Веднаш застанав да и помогнам. Ја однесов на најблиската чешма да се замие и видов дека не се предизвикани посериозни повреди, туку во прашање беше психички стрес. Останав 20 тина минути и откако видов дека жената е во ред и има само неколку огреботини, немаше потреба да останам. Потоа неколкупати телефонски контактирав со неа и се уште се интересирм за нејзината здравствена состојба. Навистина ми е жал за настанот" вели градоначалникот Сокол Митревски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.