Свет
Холивуд се подготвува за најгламурозната ноќ
Холивуд се подготвува за одржување на една од најгламурозните ноќи на “филмскиот календар“ – вечерашното доделување на 77. Оскар, во театарот Кодак, во Лос Анѓелес.
Холивуд се подготвува за одржување на една од најгламурозните ноќи на “филмскиот календар“ – вечерашното доделување на 77. Оскар, во театарот Кодак, во Лос Анѓелес. На “црвениот тепих“ ќе поминат бројни актерски ѕвезди, меѓу кои Џони Деп, Кејт Бланшет и Леонардо ди Каприо, во очекување на “вистинска борба“ меѓу главните кандидати за освојување на Оскарот во категорија “најдобар филм“ – “The Aviator“ и “Million Dollar Baby“. Неодамнешните анкети во САД, на кои им се приклучи и најголемиот дел од критиката, покажаа дека “Милионската девојка“ на Клинт Иствуд е на врвот на фаворитите. Доколку 74-годишниот Иствуд победи, тој ќе стане највозрасниот режисер кој досега го добил престижниот Оскар. Сепак, англиската критика се уште го фаворизира “Авијатичарот“ на Мартин Скорцезе, но со “тесна борба“ за титулата “најдобар режисер“ меѓу него и Иствуд. Скорцезе никогаш досега не ја добил наградата за најдобар режисер, и покрај номинациите за четири филма, меѓу кои “Raging Bull“, “Goodfellas“ и “Gangs of New York“. Главните номинации на вечерашниот “хепенинг“ се: Најдобар филм – “The Aviator“, “Million Dollar Baby“, “Finding Neverland“, “Ray“ и “Sideways“; Најдобар актер – Clint Eastwood за “Million Dollar Baby“, Jamie Foxx за “Ray“, Don Cheadle за “Hotel Rwanda“, Johnny Depp за “Finding Neverland“ и Leonardo DiCaprio за “The Aviator“. Најдобра актерка – Hilary Swank за “Million Dollar Baby“, Imelda Staunton за “VeraDrake“, Kate Winslet за “Eternal Sunshine of the Spotless Mind“, Annette Bening за “Being Julia“и Catalina Sandino Moreno за “Maria Full of Grace“. Најдобар режисер Martin Scorsese за “TheAviator“, Clint Eastwood за “Million Dollar Baby“, Alexander Payne за “Sideways“,Taylor Hackford за “Ray“ и Mike Leigh за “Vera Drake“./Крај/ме/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иранскиот потпретседател ја презема функцијата претседател, има 50 дена да организира избори
Како што се очекуваше, иранскиот потпретседател Мохамад Мокбер привремено ќе ја преземе администрацијата на земјата, потврди врховниот лидер Али Хамнеи.
Мохамед Мокбер ќе има 50 дена да организира нови избори во соработка со шефовите на судската и законодавната власт, додаде Хамнеи.
Иран, исто така, ќе прогласи петдневна национална жалост по смртта на претседателот Ебрахим Раиси и неговиот министер за надворешни работи Хосеин Амир Абдолахиан.
Во посебна изјава објавена од иранската државна новинска агенција ИРНА се вели дека владата одлучила Али Багери Кани, кој беше заменик министер во Министерството за надворешни работи, да стане вршител на должноста министер за надворешни работи.
Европа
Словачкиот министер: Напаѓачот на Фицо можеби не дејствувал сам
Полицијата во Словачка истражува дали 71-годишниот Јурај Цинтула, кој го застрела премиерот Роберт Фицо, дејствувал сам. Министерот за внатрешни работи Матус Сутај Есток изјави дека се испитува дали напаѓачот навистина бил „волк-самец“ како што претходно се мислеше, пишува „Sky News“.
Состојбата на Роберто Фико повеќе не е опасна по живот, но и понатаму е многу сериозна, соопшти денеска неговиот тим. Словачкиот вицепремиер Роберт Калинак ја објави веста четири дена по обидот за атентат врз популистичкиот премиер.
„Најлошото од кое се плашевме заврши, барем засега. Сите сме малку посмирени. Кога рековме дека сакаме да се доближиме до позитивна прогноза, тогаш верувам дека сме чекор поблиску до тоа“, изјави Калинак пред новинарите.
Фицо беше застрелан повеќе пати во средата во обид за атентат што предизвика нова загриженост за поларизацијата на општеството во Словачка. Фичо беше застрелан во стомакот додека се поздравуваше со приврзаниците. Нападот на Фицо беше првиот голем обид за атентат врз европски политички лидер во повеќе од 20 години.
Владата на Фиц ја прекина официјалната воена поддршка за Украина и зазеде попроруски став за конфликтот од повеќето нејзини партнери во Европската унија. Специјализираниот кривичен суд на Словачка вчера пресуди дека осомничениот, идентификуван од обвинителството како Јурај Ц., треба да остане зад решетки во очекување на судењето за обид за убиство.
Обвинителите стравуваат дека тој би можел да побегне или да изврши други злосторства доколку биде ослободен, изјави портпаролот на судот. Осомничениот може да се жали, но засега не се соопштува ниту неговиот исказ ниту неговиот адвокат.
Малку информации за потенцијалниот убиец беа објавени во јавноста, откако обвинителите и рекоа на полицијата да не го идентификува и да не објавува детали за случајот.
Словенечките локални медиуми наведуваат дека станува збор за 71-годишен поранешен чувар и поет.
Калинак, кој е и министер за одбрана на Словачка, рече дека состојбата на Фицо е сè уште премногу сериозна за да се размислува за негово префрлување во болница во главниот град.
„Пациентот во моментов е надвор од животна опасност. Неговата состојба е сè уште многу сериозна и му треба долго време да се одмори за да закрепне. Цврсто веруваме дека се ќе оди во вистинска насока”, изјави Милан Урбани, заменик директор на болницата во Банска Бистрица.
Свет
Путин му изрази сочувство на Иран: „Раиси беше вистински пријател на Русија“
Рускиот претседател Владимир Путин упати сочувство до иранскиот врховен лидер, ајатолахот Али Хамнеи, опишувајќи го Раиси како вистински пријател на Русија.
„Ве молиме прифатете го моето длабоко сочувство во врска со големата трагедија што го снајде народот на Исламската Република Иран“, му напиша Путин на Хамнеи во пораката, соопшти Кремљ.
Тој го опиша Раиси како извонреден политичар и вистински пријател на Русија, кој даде непроценлив личен придонес во развојот на добрососедските односи меѓу нивните земји.